കലോത്സവ നഗരിയിൽ ടിങ്കറിംഗ് ക്ലബ്ബിന്റെ സ്റ്റാൾ ശ്രദ്ധേയമായി

ചങ്ങരംകുളം: എടപ്പാൾ ഉപജില്ലാ കലോത്സവ നഗരിയിൽ ടിങ്കറിംഗ് ക്ലബ്ബിന്റെ റോബോട്ടിക് എക്‌സ്‌പോ ജനശ്രദ്ധയാകർഷിച്ചു. കോക്കൂർ എ.എച്ച്.എം ഗവ. ഹയർ സെക്കണ്ടറി സ്കൂളിലെ വിദ്യാർത്ഥികൾ ടിങ്കറിംഗ് ലാബിൽ തന്നെ തയ്യാറാക്കിയ വിവിധ സയൻസ്–ടെക്നോളജി പ്രോജക്ടുകളാണ് സ്റ്റാളിൽ പ്രദർശിപ്പിച്ചത്.
അധ്യാപകരും വിദ്യാർത്ഥികളും രക്ഷിതാക്കളും ഉൾപ്പെട്ട സന്ദർശക സംഘം പരീക്ഷണങ്ങൾ നേരിൽ കണ്ടു. ചെറു പരീക്ഷണങ്ങളിലൂടെ കുട്ടികൾക്ക് റോബോട്ടിക്സും പുതുമയുള്ള സാങ്കേതികവിദ്യകളും പരിചയപ്പെടുത്തുകയാണെന്ന് ഇൻസ്ട്രക്ടർ വിനോദ് വ്യക്തമാക്കി.