ജില്ലാ പഞ്ചായത്ത് മാറഞ്ചേരി ഡിവിഷനിൽ 1.23 കോടി രൂപയുടെ വികസന പദ്ധതികൾ ഉദ്‌ഘാടന് ഒരുങ്ങുന്നു

മാറഞ്ചേരി: വിദ്യാഭ്യാസ, പൊതുമരാമത്ത് മേഖലയിൽ ജില്ലാ പഞ്ചായത്ത് മാറഞ്ചേരി ഡിവിഷനിൽ 1.23 കോടി രൂപയുടെ വികസന പദ്ധതികൾ നിർമാണം പൂർത്തിയായി ഉദ്‌ഘാടനത്തിന് ഒരുങ്ങിയതായി ജില്ലാ പഞ്ചായത്തംഗം എ.കെ. സുബൈർ വന്നേറിനാട് പ്രസ്സ് ഫോറത്തിൽ നടത്തിയ വാർത്താസമ്മേളനത്തിൽ അറിയിച്ചു. 22 ലക്ഷം രൂപ ചെലവിട്ട് നിർമാണം പൂർത്തിയാക്കിയ വെളിയങ്കോട് ഗവ. ഹയർ സെക്കൻഡറി സ്‌കൂൾ പ്ലസ് ടു വിഭാഗം കെട്ടിടവും പത്ത് ലക്ഷം രൂപ ചെലവിട്ടു നിർമാണം പൂർത്തിയാക്കിയ ടോയ്‌ലെറ്റ് കോംപ്ലസും. വെളിയങ്കോട് പഞ്ചായത്ത് മുക്കിലറ തോടുകെട്ടി റോഡ് സംരക്ഷിക്കൽ (20 ലക്ഷം രൂപ), പെരുമ്പടപ്പ് പഞ്ചായത്തിലെ തെക്കംതിയ്യം അങ്കണവാടി കെട്ടിടം (15 ലക്ഷം രൂപ). മാറഞ്ചേരി പഞ്ചായത്തിലെ നൂറ്റിഇരുപതാം നമ്പർ അങ്കണവാടി കെട്ടിടം (17 ലക്ഷം രൂപ), മാറഞ്ചേരി പഞ്ചായത്ത് കാഞ്ഞിരമുക്ക് മൂക്കോലത്താഴം എസ്‌സി നഗർ സമഗ്ര വികസന പദ്ധതി നടപ്പാക്കൽ (19 ലക്ഷം രൂപ), പെരുമ്പടപ്പ് പാറ കല്ലറപാടം തോട് നവീകരണം (10 ലക്ഷം രൂപ), അയിരൂർ അങ്കണവാടിക്ക് മുകളിൽ സ്‌ത്രീകളുടെ തൊഴിൽ പരിശീലന കേന്ദ്രം, മാറഞ്ചേരി, പാലപ്പെട്ടി ഗവ. ഹയർ സെക്കൻഡറി സ്‌കൂളുകളിലെ പ്രിൻസിപ്പൽ, പ്രഥമാധ്യാപിക എന്നിവരുടെ ഓഫീസുകളുടെ നവീകരണം തുടങ്ങിയുള്ള പദ്ധതികളാണ് സെപ്റ്റംബറിൽ ഉദ്‌ഘാടനത്തിന് ഒരുങ്ങിയിരിക്കുന്നത്. മാറഞ്ചേരി വടമുക്ക് എസ്‌സി നഗർ, തോട്ടുമുക്കം എസ്‌സി നഗർ, തെക്കേട്ടിൽ എസ്‌സി നഗർ തുടങ്ങിയവയുടെ സമഗ്ര വികസനത്തിനായി (15 ലക്ഷം രൂപ വീതം), മാറഞ്ചേരി ഗവ. ഹയർ സെക്കൻഡറി സ്‌കൂൾ പ്രധാനകവാടം നിർമാണം, കെമിസ്‌ട്രി ലാബ് നിർമാണം, മിനി ഹൈമാക്‌സ് ലൈറ്റുകൾ സ്ഥാപിക്കൽ, വെളിയങ്കോട് പഞ്ചായത്ത് നാലാം വാർഡ് അങ്കണവാടി നിർമാണം, കണ്ടുബസാർ – പനക്കൽ തോടുകെട്ടി റോഡ് സംരക്ഷിക്കൽ തുടങ്ങിയ വിവിധ പദ്ധതികളുടെ ടെൻഡർ നടപടികൾ പൂർത്തിയതായും നിർമാണം ഉടൻ തുടങ്ങുമെന്നും എ.കെ. സുബൈർ പറഞ്ഞു.