മാറഞ്ചേരി ഗവ: ഹയർസെക്കൻഡറി സ്കൂൾ ഓഫീസ് നവീകരണ പ്രവർത്തി ഉദ്ഘാടനം ചെയ്തു

മാറഞ്ചേരി:മലപ്പുറം ജില്ലാ പഞ്ചായത്ത് 2024 – 2025 വികസന ഫണ്ടിൽ ഡിവിഷൻ മെമ്പർ എ കെ സുബൈറിന് അനുവദിച്ച പദ്ധതി വിഹിതം ഉപയോഗിച്ച് മാറഞ്ചേരി ഗ്രാമപഞ്ചായത്തിലെ മാറഞ്ചേരി ഗവണ്‍മെന്റ് ഹെയർ സെക്കൻഡറി സ്കൂളിന്റെ ഓഫീസ് നവീകരണത്തിന്റെ പ്രവർത്തി ഉൽഘാടനം ജില്ലാ പഞ്ചായത്ത് ഡിവിഷൻ മെമ്പർ എ കെ സുബൈർ നിർവഹിച്ചു. ചടങ്ങിൽ ഗ്രാമപഞ്ചായത്ത് പ്രസിഡണ്ട് ബീന ടീച്ചർ അധ്യക്ഷ വഹിച്ചു.ഗ്രാമപഞ്ചായത്ത് ആരോഗ്യ വിദ്യാഭ്യാസ ചെയർപേഴ്സൺ സുഹ്റ ഉസ്മാൻ,വികസന കമ്മറ്റി ചെയർപേഴ്സൺ ലീന മുഹമ്മദാലി, സ്കൂൾ വികസന സമിതി അംഗങ്ങളായ വേണുഗോപാൽ, റഹീം, എ ടി അലി തുടങ്ങിയവർ ആശംസകൾ നേർന്നു സംസാരിച്ചു.മനോഹരമായ സ്കൂൾ കവാടം, കെമിസ്ട്രി ലാബ് ഉൾപ്പെടെയുള്ള പദ്ധതികൾ ഉടൻ തുടക്കം കുറിക്കുമെന്ന് ഡിവിഷൻ മെമ്പർ അറിയിച്ചു. ചടങ്ങിന് സ്കൂൾ പ്രിൻസിപ്പാൾ ഡോക്ടര്‍ ലൗലി സ്വാഗതവും ഹയർസെക്കൻഡറി സ്കൂൾ അധ്യാപകനും വികസന സമിതി കൺവീനറുമായ സി ഇബ്രാഹിം മാസ്റ്റർ നന്ദിയും പറഞ്ഞു