ആലങ്കോട് പഞ്ചായത്തില്‍ ഇനി സമരകാഹളം’പ്രഖ്യാപനവുമായി യുഡിഎഫ്

ചങ്ങരംകുളം:തകര്‍ന്ന റോഡുകളും കത്താത്ത തെരുവ് വിളക്കുകളും തെരുവ് നായകളും കാട്ട്പന്നികള്‍ അടക്കമുള്ള വന്യമൃഗങ്ങളും ജനജീവിതം ദുസ്സഹമാക്കുന്ന സാഹചര്യത്തില്‍ സമരപ്രഖ്യാപനവുമായി ആലംകോട് പഞ്ചായത്ത് യുഡിഎഫ് കമ്മിറ്റി.ആലംകോട് ഗ്രാമപഞ്ചായത്ത് ഭരണസമിതിയുടെ അനാസ്ഥയില്‍ പ്രതിഷേധിച്ചാണ് യുഡിഎഫ് സമരംഗത്ത് ഇറങ്ങാന്‍ തീരുമാനിച്ചത്.പഞ്ചായത്തിലെ റോഡുകൾ പൊട്ടിപ്പൊളിഞ്ഞ് ഗതാഗതം പൂര്‍ണ്ണമായും തകരാറിലായെന്നും,തെരുവു വിളക്കുകൾ പൂർണമായും കത്താത്ത അവസ്ഥയിലാണെന്നും,തെരുവ് നായ ശല്യവും പന്നിശല്ല്യവും മൂലം ജനങ്ങള്‍ പൊറുതി മുട്ടിയെന്നും യുഡിഎഫ് നേതാക്കള്‍ ആരോപിച്ചു.ആരോഗ്യ രംഗത്ത് പഞ്ചായത്ത് തികഞ്ഞ പരാജയമാണെന്നും കുടുംബാരോഗ്യ കേന്ദ്രത്തില്‍ ആവശ്യമായ ഡോക്ടർന്മാരോ മരുന്നുകളോ ഇല്ലാത്ത അവസ്ഥ തുടങ്ങിയിട്ട് വര്‍ഷങ്ങള്‍ ആയെന്നും നേതാക്കള്‍ പറഞ്ഞു.യുഡിഎഫ് ജില്ലാ മണ്ഡലം കമ്മിറ്റികളുടെ നിർദ്ദേശപ്രകാരം ജൂലൈ 20ന് കാലത്ത് 8 മണിക്ക് മാനം കണ്ടത് ഓഡിറ്റോറിയത്തിൽ നടക്കുന്ന സജ്ജം മുന്നൊരുക്കം പരിപാടിയില്‍ സമര പരിപാടികും ഇലക്ഷന്റെ തുടർ പരിപാടികളും ആസൂത്രണം ചെയ്യും.പ്രക്ഷോഭത്തിന്റെ ഭാഗമായി ജൂലൈ 20 ഞായർ കാലത്ത് 10 മണിക്ക് കോക്കൂർ കിഴക്കുമുറിയിൽ നിന്ന് ആരംഭിക്കുന്ന ബഹുജന മാർച്ച് വളയംകുളം ഹൈവേയിൽ സമാപിക്കാനും തീരുമാനിച്ചു.യോഗത്തിൽ യുഡിഎഫ് നേതാക്കളായ പി പി യൂസഫലി, പി ടിഎ കാദർ, അൻവർ എം കെ, രഞ്ജിത്ത് അടാട്ട്, ബഷീർ കക്കടിക്കൽ,അബ്ദുസ്സലാം പി എം,ഹുറൈർ, ഉമ്മർ തലാപ്പിൽ സലീം കോക്കൂർ എന്നിവർ സംസാരിച്ചു.