സംസ്ഥാന സ്കൂൾ കായികമേള അത്ലറ്റിക്സിൽ പോരാട്ടം കടുപ്പിച്ച് മലപ്പുറവും പാലക്കാടും. എട്ട് സ്വർണവും ആറു വെള്ളിയും അഞ്ച് വെങ്കലവും ഉൾപ്പെടെ 63 പോയിന്റുമായി മലപ്പുറമാണ് അത്ലറ്റിക്സിൽ ഒന്നാമതുള്ളത്. ഏഴ് സ്വർണവും മൂന്ന് വെള്ളിയും എട്ട് വെങ്കലവുമായി 52 പോയിന്റോടെ പാലക്കാടും തൊട്ടുപിന്നിലുണ്ട്. 38 പോയിന്റുമായി (നാല് സ്വർണം, ആറ് വെള്ളി) എറണാകുളമാണ് മൂന്നാമത്.
ശനിയാഴ്ച 18 അത്ലറ്റിക്സ് മത്സരങ്ങളുടെ ഫൈനലുകളാണ് മഹാരാജാസ് കോളേജ് ഗ്രൗണ്ടിൽ നടക്കുക. സീനിയർ-ജൂനിയർ ഹർഡിൽസ്, സീനിയർ ആൺകുട്ടികളുടെയും പെൺകുട്ടികളുടെയും ലോങ്ജംപ് എന്നീ ഇനങ്ങളും ത്രോ ഇനങ്ങളുമാണ് ഇന്ന് നടക്കുന്ന ഫൈനലുകളിൽ പ്രധാനം.
