എംടിഎം കോളേജിൽ അന്താരാഷ്ട്ര ലഹരി വിരുദ്ധ ദിനം ആചരിച്ചു

വെളിയങ്കോട്: അന്താരാഷ്ട്ര ലഹരി വിരുദ്ധ ദിനത്തോട് അനുബന്ധിച്ച് എംടിഎം കോളേജിലെ, ആന്റി നാർക്കോട്ടിക് സെൽ, ഇംഗ്ലീഷ്, സോഷ്യോളജി, ഫിസിക്കൽ എജുക്കേഷൻ ഡിപ്പാർട്ടമെന്റ്, എൻ എസ് എസ് എന്നിവയുടെ സംയുക്താഭിമുഖ്യത്തിൽ ലഹരി വിരുദ്ധ പ്രതിജ്ഞ, ഫ്ലാഷ് മൊബ്, സംയുക്ത ഒപ്പുശേഖരണം, മനുഷ്യ ചങ്ങല, ലഹരിക്കെതിരെ ഒരു ഗോൾ എന്നീ പരിപാടികൾ നടത്തി. പ്രിൻസിപ്പൽ അബ്ദുൽ കരീം ലഹരിക്കെതിരെ ആദ്യ ഗോൾ അടിച്ചുകൊണ്ട് ഉദ്‌ഘാടനം നിർവഹിച്ചു. ലഹരിയുടെ ഉപയോഗം കൂടിവരുന്ന കാലത്ത് സമൂഹത്തിന്റെ സർവ്വ മേഖലകളിലും മറ്റേതൊരു ദിനാചാരണത്തേക്കാളുപരി ഈ ദിനം പ്രയോഗികമാക്കേണ്ടതുമാണെന്നും കലാലയങ്ങൾക്ക് അതിൽ മുഖ്യ പങ്കുണ്ടെന്നും അദ്ദേഹം ഉദ്‌ഘാടന പ്രസംഗത്തിൽ പറഞ്ഞു. ദീപ്തി ടികെ പ്രതിജ്ഞ ചൊല്ലിക്കൊടുത്തു, വൈസ് പ്രിൻസിപ്പൽ രാജേന്ദ്രകുമാർ, സോഷ്യോളജി വിഭാഗം മേധാവി അബ്ദുൾ വാസിഹ്, ലൈബ്രെറിയൻ ഫൈസൽ ബാവ എന്നിവർ സംസാരിച്ചു, കായിക വിഭാഗം മേധാവി ആദർശ് സ്വാഗതവും, ഇംഗ്ലീഷ് വിഭാഗം മേധാവി ഡോ ഫബിത ഇബ്രാഹിം നന്ദിയും പറഞ്ഞു.