നൂറു ശതമാനം വോട്ട് രേഖപ്പെടുത്തുമ്പോഴാണ് ജനാധിപത്യം അർഥപൂർണമാവുകയെന്ന് നിലമ്പൂരിലെ എൽഡിഎഫ് സ്ഥാനാർഥി എം.സ്വരാജ്. എല്ലാവരും വോട്ടവകാശം വിനിയോഗിക്കണം. ഒരു ഘട്ടത്തിലും ആശങ്ക തോന്നിയിട്ടില്ല. നല്ല ആത്മവിശ്വാസം ഉണ്ട്. അത് വ്യക്തിപരമല്ല, ഈ നാട് പകർന്നു നൽകിയ ആത്മവിശ്വാസമാണെന്നും സ്വരാജ് പറഞ്ഞു. മാങ്കുത്ത് എൽപി സ്കൂളിലെ 202-ാം ബൂത്തിലാണ് സ്വരാജ് വോട്ട് രേഖപ്പെടുത്തിയത്തിരഞ്ഞെടുപ്പ് പ്രഖ്യാപിച്ച് ഓരോ ദിവസം കഴിയുന്തോറും ആ ആത്മവിശ്വാസം വർധിച്ചുവരികയാണ്.
വർധിച്ച ആത്മവിശ്വാസത്തോടെ, ആഹ്ലാദത്തോടെയാണ് തിരഞ്ഞെടുപ്പ് ദിവസത്തെ സ്വാഗതം ചെയ്തത്. പ്രതീക്ഷയിൽ കവിഞ്ഞ പിന്തുണയും ഐക്യദാർഢ്യവുമാണ് ഈ മണ്ഡലത്തിൽനിന്ന് ലഭിച്ചത്. ഇടതുമുന്നണി പ്രവർത്തകർക്കാകെ ആത്മവിശ്വാസമുണ്ട്. എല്ലാവരും വോട്ട് ചെയ്യണമെന്നും സ്വരാജ് പറഞ്ഞു.
