ഫിഫ ക്ലബ് വേൾഡ് കപ്പിൽ ഉറവ റെഡ് ഡയമണ്ട്സിനെ ഒന്നിനെതിരെ മൂന്ന് ഗോളുകൾക്ക് തോൽപ്പിച്ച് റിവർ പ്ളേറ്റ്. ഗ്രൂപ്പ് ഇ യിലെ ഈ പോരാട്ടത്തിൽ അർജന്റീനൻ ക്ലബായ റിവർ പ്ളേറ്റിന് വേണ്ടി കോലിഡിയോ, മാക്സ്മിലാനോ മെഹ്സ, സെബാസ്റ്റിയൻ എന്നിവർ ഗോളുകൾ കണ്ടെത്തി. ജപ്പാൻ ക്ലബായ ഉറവയ്ക്ക് വേണ്ടി മാറ്റ്സുവോ ആശ്വാസ ഗോൾ കണ്ടെത്തി.
മറ്റൊരു മത്സരത്തിൽ ജർമൻ വമ്പന്മാരായ ബൊറൂസിയ ഡോർട്ട്മുണ്ട് ബ്രസീലിയൻ ക്ലബായ ഫ്ളൂമിനൻസ് എഫ്സിയുമായി ഗോൾ രഹിത സമനില വഴങ്ങി. അതേ സമയം ക്ലബ് വമ്പന്മാരായ മാഞ്ചസ്റ്റർ സിറ്റിയും റയൽ മാഡ്രിഡും ഇന്നിറങ്ങും.
