ഫിഫ ക്ലബ്ബ് ലോകകപ്പില്‍ വിജയത്തോടെ തുടക്കം ഗംഭീരമാക്കി പിഎസ്ജി. ആദ്യ മത്സരത്തില്‍ അത്‌ലറ്റികോ മാഡ്രിഡിനെ തകര്‍ത്താണ് ചാംപ്യന്‍സ് ലീഗ് ജേതാക്കള്‍ വരവറിയിച്ചത്. മറുപടിയില്ലാത്ത നാല് ഗോളിനാണ് പിഎസ്ജി വിജയം സ്വന്തമാക്കിയത്.
മത്സരത്തിന്റെ 19-ാം മിനിറ്റിലാണ് പിഎസ്ജി ഗോള്‍വേട്ടയ്ക്ക് തുടക്കമിട്ടത്. ഫാബിയാന്‍ റൂയിസിലൂടെ പിഎസ്ജി ആദ്യ സ്വന്തമാക്കി. ആദ്യ പകുതിയുടെ അധിക സമയത്ത് വിറ്റീഞ്ഞയും ലക്ഷ്യം കണ്ടതോടെ പിഎസ്ജി സ്‌കോര്‍ ഇരട്ടിയാക്കി.
87-ാം മിനിറ്റില്‍ സെന്നി മയുലു ഗോള്‍ നേടി. ഇഞ്ചുറി ടൈമില്‍ ലഭിച്ച പെനാല്‍റ്റി ഗോളാക്കി ലീ കാങ്- ഇന്‍ കൂടി ലക്ഷ്യം കണ്ടതോടെ ഫ്രഞ്ച് ക്ലബ്ബ് വിജയം ഉറപ്പിച്ചു.
