എടപ്പാളില്‍ടൂറിസ്റ്റ് ബസ്സും കെ എസ് ആര്‍ ടി സി ബസ്സും കൂട്ടിയിടിച്ചുഅപകടത്തില്‍ റോഡരികില്‍ നിര്‍ത്തിയിട്ടിരുന്ന ഓട്ടോ റിക്ഷയും തകര്‍ന്നു

എടപ്പാള്‍ : ടൂറിസ്റ്റ് ബസ്സും കെ എസ് ആര്‍ ടി സി ബസ്സും കൂട്ടിയിടിച്ച് അപകടം.റോഡരികില്‍ നിര്‍ത്തിയിട്ടിരുന്ന ഓട്ടോ റിക്ഷയും അപകടത്തില്‍ തകര്‍ന്നു.വെള്ളിയാഴ്ച രാവിലെ 11.30-ന് സംസ്ഥാന പാതയിലെ കണ്ടനകം ബിവ്റേജസ് കോര്‍പ്പറേഷന്റെ വിദേശ മദ്യ വില്‍പ്പന കേന്ദ്രത്തിന് സമീപത്താണ് അപകടം നടന്നത്.പാലായില്‍ നിന്നും കൊട്ടിയൂരിലേക്ക് തീര്‍ത്ഥാടകരുമായി പോവുകയായിരുന്ന ബസ്സും എതിരെ തിരുവനന്തപുരത്തേക്ക് പോവുകയായിരുന്ന കെ എസ് ആര്‍ ടി സി ബസ്സുമാണ് കൂട്ടിയിടിച്ചത്.അപകടത്തിനിടയില്‍ ആണ് റോഡരികില്‍ നിര്‍ത്തിയിട്ടിരുന്ന ഓട്ടോറിക്ഷയില്‍ ഈ വാഹനങ്ങള്‍ തട്ടി ഓട്ടോറിക്ഷ തകര്‍ന്നത്.അപകടത്തില്‍ ആര്‍ക്കും പരിക്കില്ല.