പട്ടാമ്പി ഭാരതപ്പുഴയിൽ വിദ്യാർഥിയെ ഒഴുക്കിൽ പ്പെട്ട് കാണാതായി

പട്ടാമ്പി: ഭാരതപ്പുഴയിൽ കൂട്ടുകാരുമൊത്ത് കുളിക്കാൻ ഇറങ്ങിയ വിദ്യാർത്ഥി ഒഴുക്കിൽപ്പെട്ടു. മുതുതല പെരുമുടിയൂർ നമ്പ്രം സ്വദേശി കരുവാൻകുഴി മുജീബ് റഹ്മാൻ്റെ മകൻ മുഹമ്മദ് നാഫിയെ (16) ആണ് കാണാതായത്. പെരുമുടിയൂർ പ്രദേശത്തെ ഇറിഗേഷന്റെ പമ്പ് ഹൗസിന് സമീപം ബുധനാഴ്ച വൈകീട്ട് ആറ് മണിയോടെയാണ് സംഭവം. രാത്രിവരെ തിരച്ചിൽ നടത്തിയെങ്കിലും കുട്ടിയെ കണ്ടെത്താനായില്ല. പുഴയിൽ അടിയൊഴുക്ക് ശക്തമാണ്.