ചാലിശ്ശേരി :ചാലിശ്ശേരി പഞ്ചായത്തിൽ എലിപ്പനി ബാധിച്ച് ഗൃഹനാഥൻ മരിച്ചു.തണ്ണീർക്കോട് ഹെൽത്ത് സെൻറർ കൊല്ലഴിപ്പടി കൃഷ്ണനാണ് (50) മരിച്ചത്. കടുത്ത പനി ബാധിച്ച് ശനിയാഴ്‌ച കൃഷ്‌ണനെ ആദ്യം ചാലിശ്ശേരി കമ്മ്യൂണിറ്റി ഹെൽത്ത് സെൻററിൽ പ്രവേശിപ്പിച്ചിരുന്നു.പനി ഭേദമാകാത്തതിനെത്തുടർന്ന് ഡോക്ട‌ർമാരുടെ നിർദേശപ്രകാരം പിന്നീട് തൃശ്ശൂർ ഗവ. മെഡിക്കൽ കോളേജ് ആശുപത്രിയിലേക്ക് മാറ്റുകയായിരുന്നു.ഭാര്യ: സൗമിനി,മക്കൾ: സഹിഷ്ണവ്, പ്രണവ്.
കഴിഞ്ഞ ദിവസം ചാലിശ്ശേരിയിൽ ഡെങ്കിപ്പനി ബാധിച്ച് യുവതി മരിച്ചിരുന്നു.ഡെങ്കിപ്പനി മരണത്തെത്തുടർന്ന് ഏതാനും ദിവസം മുൻപ് ആരോഗ്യ പ്രവർത്തകർ രോഗബാധിതമേഖലകളിൽ പ്രതിരോധപ്രവർത്തനങ്ങളും ബോധവത്കരണവും നടത്തിയിരുന്നു.
