‘പരിസ്ഥിതിദിനം:കല്പകം 2025 ആചരിച്ച് എആർ എച്ച് എസ് എസ് നാഷണൽ സർവ്വീസ് സ്കീം യൂണിറ്റ്

ചങ്ങരംകുളം: പ്രകൃതി സംരക്ഷണ സന്ദേശവുമായി പാവിട്ടപ്പുറം അസ്സബാഹ് ഹയർ സെക്കണ്ടറി സ്കൂളിലെ നാഷണൽ സർവ്വീസ് സ്കീം യൂണിറ്റ് പരിസ്ഥിതിദിനം ആചരിച്ചു. ലോക പരിസ്ഥിതി ദിനത്തോടനുബന്ധിച്ച് സ്കൂളിൽ വൃക്ഷത്തെ നടൽ വിത്ത് വിതരണം എന്നിവ നടന്നു.പ്രിൻസിപ്പാൾ വില്ലിംഗ്ടൺപി വി അധ്യക്ഷത വഹിച്ച ചടങ്ങിൽ എൻ എസ് എസ് വോളന്റിയർ ശിഖ പ്രകൃതി സംരക്ഷണ പ്രതിജ്ഞ ചൊല്ലിക്കൊടുത്തു.എൻ എസ് കോർഡിനേറ്റർ സജ്ന എസ് അധ്യാപകരായ സുരേഷ് ബാബു കെ.എം, അനിൽ കെ ,തൻസീർ എ, ജംഷിയ ബി.പി, ബഷീർ ടി.എം, അഹമ്മദ് പറയങ്ങാട്ടിൽ എന്നിവർ സംസാരിച്ചു. എൻ എസ് ലീഡർമാരായ സൽവഫാത്തിമ സ്വാഗതവും ലിസ്ന നർഗ്ഗീസ് നന്ദിയും പറഞ്ഞു.