ചങ്ങരംകുളം വഴി, പെരിന്തൽമണ്ണയിലേക്ക് ബസ് സർവീസ് ആരംഭിക്കണം :ചങ്ങരംകുളം ഓപ്പൺ ഫോറം

പെരിന്തൽമണ്ണ യിലെ ആസ്പത്രികളിലേക്കുള്ള രോഗികൾ ഉൾപ്പെടെ ഒട്ടനവധി യാത്രക്കാർ ഈ റൂട്ടിൽ നേരിട്ട് ബസ്സ് സർവ്വീസുകൾ നിലവിൽ ഇല്ലാത്തതിനാൽ ദുരിതം അനുഭവിക്കുകയാണ്. ചങ്ങരംകുളത്ത് നിന്നും നിലവിൽ പെരിന്തൽമണ്ണയിലേക്ക് ബസ്സ് കയറണം എങ്കിൽ വാളാഞ്ചേരിയിലൊ, അല്ലെങ്കിൽ ചാലിശ്ശേരി ,പെരുമ്പിലാവ് എന്നിവിടങ്ങളിൽ പോയി ബസ്സ് മാറി കയറണം. ദിനംപ്രതി നൂറുകണക്കിന് യാത്രക്കാർ സഞ്ചരിക്കുന്ന ഈ റൂട്ടിൽ യാത്ര ക്കാരുടെ സൗകര്യം പരിഗണിച്ച് ചങ്ങരംകുളം വഴി പെരിന്തൽമണ്ണയിലേക്ക് കെ എസ് ആർ ടി സി, പ്രൈവറ്റ് ബസ്സുകളുടെ സർവീസ് ആരംഭിക്കണമെന്ന് ചങ്ങരംകുളം ഓപ്പൺ ഫോറം ബന്ധപ്പെട്ടവരോട് ആവശ്യപ്പെട്ടു.
ഇതു സംബന്ധിച്ചു ഗതാഗത മന്ത്രിക്കും ബന്ധപ്പെട്ട ഉദ്യോഗസ്ഥർക്കും നിവേദനം നൽകാനും തീരുമാനിച്ചു. ചങ്ങരംകുളത്തിന്റെ വികസന, സാമൂഹ്യ, സാംസ്‌കാരിക, വിദ്യാഭ്യാസ,ജീവ കാരുണ്യ,കലാ, കായിക മേഖലകളിൽ ഊന്നൽ നൽകി പ്രവർത്തിക്കാനും യോഗം തീരുമാനിച്ചു. ചെയർമാൻ പി.എം.കെ കാഞ്ഞിയൂർ അധ്യക്ഷത വഹിച്ചു. ജനറൽ കൺവീനർ ഷാനവാസ് വട്ടത്തൂർ സ്വാഗതം പറഞ്ഞു. മറ്റു ഭാരവാഹികളായ എ വി അഹമ്മദ്, സുബൈർ ചെറവല്ലൂർ, സാദിഖ് നെച്ചിക്കൽ, സി കെ അഷ്‌റഫ്‌ കക്കിടിക്കൽ,കാട്ടിൽ അഷ്‌റഫ്‌, ഉമ്മർ തലാപ്പിൽ എന്നിവർ പ്രസംഗിച്ചു.