വിദ്യാർത്ഥി മുങ്ങിമരിച്ചു; സഹോദരനെ രക്ഷപ്പെടുത്തി

തൃശൂർ: ചേരുംകുഴിയിൽ വിദ്യാർത്ഥി പുഴയിൽ മുങ്ങിമരിച്ചു. ചേരുംകുഴി സ്വദേശി സുരേഷിന്റെ മൂത്തമകൻ സരുൺ ആണ് മരിച്ചത്. കൂടെയുണ്ടായിരുന്ന സഹോദരൻ അരുണിനെ രക്ഷപ്പെടുത്തി. ഇന്ന് ഉച്ചയോടെയായിരുന്നു സംഭവം.സഹോദരങ്ങൾ മീൻ പിടിക്കാൻ പോയതായിരുന്നുവെന്നാണ് വിവരം. ഇരുവരും മുങ്ങിക്കിടക്കുന്നതായി നാട്ടുകാർ കണ്ടു. രണ്ടുപേരെയും ഉടൻ ജൂബിലി മിഷൻ ആശുപത്രിയിലെത്തിച്ചെങ്കിലും സരുണിന്റെ ജീവൻ രക്ഷിക്കാനായില്ല. അരുണിന്റെ ആരോഗ്യനില തൃപ്തികരമാണ്. സുരേഷ് റബ്ബർ ടാപ്പിംഗ് തൊഴിലാളിയാണ്. സരുണിന്റെ മൃതദേഹം പോസ്റ്റ്‌മോർട്ടത്തിന് ശേഷം ബന്ധുക്കൾക്ക് കൈമാറും