എടപ്പാൾ നാടക അരങ്ങ് ഫൗണ്ടേഷൻ സംഘടിപ്പിക്കുന്ന പ്രൊഫഷണൽ നാടകമേള നവംബർ 2 മുതല്‍ എടപ്പാളിൽ

എടപ്പാൾ നാടക അരങ്ങ് ഫൗണ്ടേഷൻ സംഘടിപ്പിക്കുന്ന പതിനാറാമത് അഖില കേരള പ്രൊഫഷണൽ നാടകമേള എടപ്പാളിൽ ഇടശ്ശേരി തിയ്യറ്ററിൽ നവംബര്‍ 2 മുതൽ ആരംഭിക്കും. നവംബർ 6 വരെ നീണ്ട് നിൽക്കുന്ന നാടകമേള നാടിൻ്റെ സംസ്കാരികോത്സവമായി മാറിയിട്ടുണ്ട്. 2 ന് വൈകീട്ട് 7 മണിക്ക് രാജ്യസഭ മെമ്പർ പി പി സുനീർ ഉത്ഘാടനം ചെയ്യും.ചടങ്ങില്‍ ടിയാർസി പുരസ്കാരം ബീന ആർ ചന്ദ്രന് സമ്മാനിക്കും.പപ്പൻ വടകര പുരസ്കാരവും എടപ്പാൾ മുരളി പുരസ്കാര സമർപ്പണവും നടത്തും.മരണപ്പെട്ട പ്രശസ്ത നാടക പ്രവർത്തകൻ വട്ടംകുളം ഉണ്ണിക്കയെ പി വി നാരായണൻ അനുസ്മരിക്കും നാലിന് നാടകം – സ്ത്രി വിമോചന ചാലകം എന്ന വിഷയത്തിൽ ഡോക്ടർ റഹ്മത്തുൻസ ക്ലാസെടുക്കും5 ന് ഫൗണ്ടേഷൻ ഷെയർ വിതരണത്തിൻ്റെ ഉത്ഘാടനം ശിവജി ഗുരുവായൂർ നിർവ്വഹിക്കും.സമാപനയോഗം ആറിന് പ്രശസ്തകവി ആലങ്കോട് ലീലാകൃഷ്ണൻ നിർവ്വഹിക്കും. 2 ന് 7.30 ന് കടക്കാവൂർ എസ് എസ് നടനസഭ അവതരിപ്പിക്കുന്ന ” റിപ്പോർട്ട് നമ്പർ 79″3 ന് കോഴിക്കോട് സങ്കീർത്തനഅവതരിപ്പിക്കുന്ന “വെളിച്ചം “നാലിന് ആലപ്പുഴ സൂര്യകാന്തി അവതരിപ്പിക്കുന്ന “കല്യാണം ‘ 5 ന് അമ്പലപ്പുഴ അക്ഷര ജ്വാല അവതരിപ്പിക്കുന്ന “അനന്തരം ” ആറിന് ഒച്ചിറ സരിഗ അവതരിപ്പിക്കുന്ന സത്യമംഗലം ജംഗ്ഷൻ ചിത്ര പ്രദർശനവും, വില്പനയും, പുസ്തക പ്രകാശനം പ്രതിഭകളെ ആനുമോദിക്കൽ, കലാപരിപാടികൾ അടക്കം വിവിധ പരിപാടികൾ കൊണ്ടും ശിവജി ഗുരുവായൂർ ,ബീന ആർ ചന്ദ്രൻ, ഷാനവാസ് ബാവ കുട്ടി, ആനന്ദ് റോഷൻ , രജനി മുരളി, സിനിമ പ്രൊഡ്യൂസർമാരായ ചട്ടിക്കൽ മാധവൻ അഷറഫ് പിലാക്കൽ ഗായകൻ പാർത്ഥീവ് വിശ്വനാഥ് നൃത്താധ്യാപകൻ ബാലൻ മാസ്റ്റർ, കേരള പത്ര പ്രവർത്തകയൂണിയൻ സംസ്ഥാന ജനറൽ സെക്രട്ടറി സുരേഷ് എടപ്പാൾ എന്നിവരുടെ സാന്നിദ്ധ്യം കൊണ്ടും സമ്പന്നമാണ് ഈ വർഷത്തെ നാടകമേള എന്ന് ഭാരവാഹികളായ പ്രഭാകരൻ നടുവട്ടം,കെ സുധീർ ബാബു, ദാസ് കുറ്റിപ്പാല , നിസാർ സലീംഖാൻ, കെ സദാനന്ദൻ,സി ബാലസുബ്രഹ്മണ്യൻ അഡ്വ : കെ വിജയൻ, ഡോക്ടർ സായ്,ഗംഗാധരൻ പൊന്നാനി , നാസർ എടപ്പാൾ എന്നിവർ അറിയിച്ചു