എടപ്പാൾ സ്വദേശിനിയെ ഫോണിലൂടെ ഡിജിറ്റൽ അറസ്റ്റുചെയ്തു ഭീഷണിപ്പെടുത്തി 93 ലക്ഷം രൂപ തട്ടി’കേസിൽ മൂന്നുപേരെ മലപ്പുറം സൈബർ പോലീസ് അറസ്റ്റുചെയ്തു

ഫോണിലൂടെ ഡിജിറ്റൽ അറസ്റ്റുചെയ്തു യുവതിയെ ഭീഷണിപ്പെടുത്തി 93 ലക്ഷം രൂപ തട്ടിയ കേസിൽ മൂന്നുപേരെ മലപ്പുറം സൈബർ പോലീസ് അറസ്റ്റുചെയ്തു.കൊണ്ടോട്ടി മേലങ്ങാടി സ്വദേശി അജുമൽ കുമ്മാളിൽ (41),തൃപ്പനച്ചി സ്വദേശി മനോജ് കണ്ടമങ്ങലത്ത് (42), അരീക്കോട് സ്വദേശി എൻ.പി. ഷിബിലി (44) എന്നിവരെയാണ് അറസ്റ്റുചെയ്തത്.എടപ്പാൾ സ്വദേശിനിയുടെ മൊബൈൽ നമ്പറിലേക്ക് വിളിച്ച് മുംബൈ ക്രൈം ബ്രാഞ്ചിലെ ഉദ്യോഗസ്ഥരാണെന്നും നമ്പർ വിവിധ കേസുകളിൽ ഉൾപ്പെട്ടിട്ടുണ്ടെന്നും പറഞ്ഞാണ് തട്ടിപ്പുസംഘം പണം തട്ടിയെടുത്തത്.നിലവിലുള്ള മൊബൈൽ നമ്പർ ഉടനെ ഡിസ്‌കണക്ട്‌ ആകും എന്നും അറിയിച്ചു. പരാതിക്കാരിയുടെ പേരിൽ മുംബൈ ക്രൈം ബ്രാഞ്ചിൽ എഫ്‌ഐആർ രജിസ്റ്റർചെയ്ത് അന്വേഷിക്കുന്നുണ്ടെന്നു ഭീഷണിപ്പെടുത്തുകയും ചെയ്തു