അമ്മ ഉപേക്ഷിച്ചു പോയ പത്തു വയസുകാരിയെ നിരന്തരം പീഡപ്പിച്ചു; പ്രതിക്ക് 43 വര്‍ഷം കഠിന തടവ് വിധിച്ച് കോടതി

നാദാപുരം : പത്തു വയസുകാരിയെ ലൈംഗികമായി പീഡിപ്പിച്ച കേസിൽ പ്രതിക്ക് 43 വർഷം തടവും 1,05,000 പിഴയും ശിക്ഷ വിധിച്ചു. വാണിമേൽ പരപ്പുപാറയിലെ ദയരോത്ത് കണ്ടിയിൽ ഷൈജു (42)നെയാണ് നാദാപുരം ഫസ്റ്റ് ട്രാക്ക് സ്പെഷ്യൽ കോടതി കെ നൗഷാദലി ശിക്ഷിച്ചത്. അച്ഛനും രണ്ടാനമ്മയ്ക്കും ഒപ്പം പാതിരപ്പറ്റയിലും പരപ്പുപാറയിലും അതിജീവിത വാടകയ്ക്ക് താമസിച്ചിരുന്നു. പരപ്പുപാറയിലെ വീട്ടിൽവച്ചാണ് പ്രതി പെൺകുട്ടിയെ ബലാത്സംഗം ചെയ്തത്. അതിജീവിതയുടെ പരാതിയിൽ വളയം പൊലീസാണ്‌ കേസെടുത്തത്‌. ഇൻസ്പെക്ടർമാരായ ജെ ആർ രഞ്‌ജിത്ത്, ഇ വി ഫായീസ് അലി, എഎസ്ഐ കുഞ്ഞുമോൾ എന്നിവർ അന്വേഷണം നടത്തി കുറ്റപത്രം സമർപ്പിച്ചു. പ്രോസിക്യൂഷനു വേണ്ടി അഡ്വ. മനോജ് അരൂർ ഹാജരായി.