തണൽ സുരക്ഷാ പദ്ധതി:സുമിഷ ഗിരീഷിന് ചികിത്സാ സഹായം കൈമാറി

മാറഞ്ചേരി: തണൽ വെൽഫയർ സൊസൈറ്റിക്ക് കീഴിൽ പ്രവർത്തിക്കുന്ന സംഗമം പലിശരഹിത അയൽകൂട്ടം അംഗങ്ങൾക്ക് ആവിഷ്കരിച്ച തണൽ സുരക്ഷാ പദ്ധതിയിൽ നിന്ന് സുമിഷ ഗിരീഷിന് ചികിത്സാ സഹായം കൈമാറി.ബൈക്ക് അപകടത്തിൽ കോഴിക്കോട് മെഡിക്കൽ കോളേജിൽ ചികിത്സയിൽ കഴിയുന്ന സംഗമം 37-ാംനമ്പർ അയൽ കൂട്ടാംഗം സുമിഷാ ഗിരീഷിനുള്ള ചികിത്സാ സഹായമാണ് ഭർത്താവ് ഗിരീഷിന് തണൽ പ്രസിഡൻ്റ് എ. അബ്ദുൾ ലത്തീഫ് കൈമാറിയത്. വീട്ടിൽ നടന്ന ചടങ്ങിൽ തണൽ എക്സിക്യൂട്ടീവ് അംഗം കെ.വി.മുഹമ്മദ്,തണൽ 103-ാംനമ്പർ അയൽകൂട്ടം പ്രസിഡൻ്റ് സ്വപ്ന ഷറിൻ മുപ്പത്തി ഏഴാം നമ്പർ അയൽകൂട്ടം അംഗം ഷിൻ്റു എന്നിവർ പങ്കെടുത്തു.തണൽ സുരക്ഷാ പദ്ധതിയിൽ അംഗങ്ങളായവർക്ക് ചികിത്സാ സഹായം,മരണാനന്തര സഹായം,വിദ്യാർത്ഥികൾക്കുള്ള സ്കോളർഷിപ്പ് എന്നീ മേഖലകളിലാണ് സഹായങ്ങൾ നൽകി വരുന്നത്