പാലക്കാട് ലക്കിടിയിൽ ട്രെയിൻ തട്ടി യുവാവും രണ്ട് വയസ്സുകാരനായ മകനും മരിച്ചു. ആലത്തൂർ സ്വദേശി പ്രഭുവും മകനുമാണ് മരിച്ചത്. ലക്കിടി ഗേറ്റിന് സമീപം പാളം മുറിച്ചുകടക്കുന്നതിനിടെയാണ് അപകടം.
ചിനക്കത്തൂർ പൂരത്തിലെ കാളവരവ് കാണാൻ വേണ്ടിയാണ് പ്രഭുവും രണ്ടുവയസുള്ള മകനും പോയത്. മകനെ എടുത്തുകൊണ്ട് പാളം മുറിച്ചുകടക്കുന്നതിനിടിയിൽ ട്രെയിൻ വരുന്നത് പ്രഭു കണ്ടില്ല. ഇരുവരുടെയും മൃതദേഹം ഒറ്റപ്പാലത്തെ താലൂക്ക് ആശുപത്രിയിലേക്ക് മാറ്റിയിട്ടുണ്ട്.
