ലഹരിക്കായി വ്യാപക പരിശോധന’ചാലിശ്ശേരിയിൽ കഞ്ചാവുമായി മൂന്നു പേർ പിടിയിൽ

ചാലിശ്ശേരി :സംസ്ഥാനത്ത് ലഹരി സംഘങ്ങള്‍ക്കായി പരിശോധന ശക്തമാക്കി എക്സൈസും പോലീസും .ചാലിശ്ശേരി കോതച്ചിറ പാതയിൽ കഞ്ചാവുമായി രണ്ട് യുവാക്കൾ പിടിയിലായി.ആലിക്കര സ്വദേശികളായ ജിഷാദ് (38), ശ്രീക്കുട്ടൻ (26),ചാലിശ്ശേരി കുന്നത്തേരി സ്വദേശിയായ ആദർശ് (25) എന്നിവരാണ് പിടിയിലായത്.തൃത്താല റൈഞ്ച് എക്സൈസ് ഇൻസ്പെക്ടർ മനോജ് കുമാറിന്റെ നേതൃത്വത്തിൽ നടത്തിയ പരിശോധനയിലാണ് വെള്ളാട്ടുകുളം തോടിന് പുറകെയുള്ള നടപ്പാലത്തിൽ കഞ്ചാവുമായി യുവാക്കള്‍ പിടിയിലായത്.ലഹരി വ്യാപനത്തെ തുടർന്ന് സംസ്ഥാന വ്യാപകമായി ശക്തമായ പരിശോധനയാണ് എക്സൈസ് വകുപ്പും പോലീസ് സംവിധാനവും നടത്തിക്കൊണ്ടിരിക്കുന്നത്. തൃത്താല, ചാലിശ്ശേരി ചങ്ങരംകുളം പൊന്നാനി പെരുമ്പടപ്പ് പോലീസ് സ്റ്റേഷന്‍ പരിധിയിയില്‍ നിന്നായി ധാരാളം ലഹരി കേസുകൾ നിലവിൽ റിപ്പോർട്ട് ചെയ്യപ്പെട്ടിട്ടുണ്ട്.