ഭൂനികുതി വർദ്ധനവിനെതിരെ കോൺഗ്രസ്സ്‌ ചങ്ങരംകുളത്ത് പ്രതിഷേധ ധർണ്ണ നടത്തി

ചങ്ങരംകുളം :ഭൂനികുതി അൻപത് ശതമാനത്തിലധികം വർദ്ധിപ്പിച്ച സർക്കാർ നടപടിക്ക് എതിരെയും,സംസ്ഥാനത്തെ നിലവിലെ സാമ്പത്തിക അവസ്ഥയെ കുറിച്ചും ധനസ്ഥിതിയെ കുറിച്ചും യാതൊരു പരിഗണനയുമില്ലാത്ത പൊള്ളയായ ബജറ്റ് നിർദ്ദേശങ്ങൾക്കുമെതിരെയും ആലങ്കോട് മണ്ഡലം കോൺഗ്രസ്സ് കമ്മറ്റി ചങ്ങരംകുളത്ത് പ്രതിഷേധ സായാഹ്ന ധർണ്ണ നടത്തി. ധർണ്ണ ജില്ലാ കോൺഗ്രസ്സ് കമ്മറ്റി ജനറൽ സെക്രട്ടറി അഡ്വ. സിദ്ധീഖ് പന്താവൂർ ഉദ്ഘാടനം ചെയ്തു.മണ്ഡലം കോൺഗ്രസ്സ്‌ പ്രസിഡന്റ്‌ രഞ്ജിത്ത്‌ അടാട്ട്‌ അധ്യക്ഷത വഹിച്ചു. പി ടി അബ്ദുൽ ഖാദർ,ഹുറൈർ കൊടക്കാട്ട്‌, പി കെ അബ്ദുള്ളകുട്ടി, കുഞ്ഞു കോക്കൂർ,അംബിക കുമാരി,സുജിത സുനിൽ എന്നിവർ സംസാരിച്ചു