വർണ്ണ വിസ്മയമായി”പോട്ടൂര്‍ മോഡേൺ ഹയർസെക്കൻഡറി സ്കൂളിൽ’കിഡ്സലേ

എടപ്പാൾ:പോട്ടൂർ മോഡേൺ ഹയർസെക്കൻഡറി സ്കൂളിൽ ഈ അധ്യയന വർഷത്തെ കിഡ്സ് ഡേ ആയ “മോഡേൺ കിഡ്സ് ലെ”2k25 വ്യത്യസ്ത പരിപാടികളോടെ അതിഗംഭീരമായി ആഘോഷിച്ചു.പരിപാടിയിൽ വൈസ് പ്രിൻസിപ്പൽ സി വി അബ്ദുൽ അസീസ് സ്വാഗതം പറഞ്ഞു.ഉദ്ഘാടനം ചെയർമാൻ ഡോ:സി പി അലി ബാവ ഹാജി നിർവഹിച്ചു.സെക്രട്ടറിയായ ഹസ്സൻ മൗലവി അധ്യക്ഷത നിർവഹിച്ചു.പ്രശസ്ത നാടൻ പാട്ടുകാരനായ അതുൽ നറുകരയാണ് വിശിഷ്ട അതിഥിയായി എത്തിയത്.ഉദ്ഘാടന ചടങ്ങിൽ വിദ്യാലയത്തിലെ 25 വർഷത്തെ നിസ്വാർത്ഥ സേവനത്തിന്, വിദ്യാലയത്തിന്റെ പ്രിൻസിപ്പാൾ ആയ എ വി സുഭാഷിനെയും, വിദ്യാലയത്തിന്റെ പുരോഗതിക്കായി സഹകരിച്ച പന്നിക്കോട്ട് രവികുമാർ മേനോനെയും ആദരിച്ചു.ബാലതാരവും സ്കൂളിലെ വിദ്യാർഥിയുമായ സാധിക സുരേഷ്,അറേബ്യൻ വേൾഡ് റെക്കോർഡ് വിന്നർ ആയ ആദം അലി എന്നിവർ പരിപാടിയിൽ പങ്കെടുത്തു.വിദ്യാലയത്തിന്റെ വളർച്ചയുടെ പടവുകൾഎ ഐ വീഡിയോ വഴി പ്രദർശിപ്പിച്ചതും,ചൂരൽ മലയെ അനുസ്മരിച്ചതും പരിപാടിക്ക് തിളക്കമേകി.പ്രിൻസിപ്പാൾ എ.വി സുഭാഷ് മറുപടി പ്രസംഗവും, മാനേജർ എൻ മൊയ്തുണ്ണി,പി. ടി.എ പ്രസിഡണ്ട് യൂനസ്,എം പി ടി. എ പ്രസിഡന്റ് പ്രിയ.കെതുടങ്ങിയവർ ആശംസകൾ അറിയിച്ചു.അധ്യാപിക സ്മിത കൃഷ്ണകുമാർ നന്ദി രേഖപ്പെടുത്തി.