സിനിമ മേഖലയിലെ തർക്കം പുതിയ വഴിത്തിരിവിൽ. മാർച്ച് 27ന് സൂചന പണിമുടക്ക് നടത്താനുള്ള നീക്കവുമായാണ് ഫിലിം ചേംബർ ഇപ്പോൾ രംഗത്ത് വന്നിരിക്കുന്നത്. ജൂണിൽ നടത്താൻ ഒരുങ്ങുന്ന സിനിമ സമരത്തിന് മുന്നോടിയായാണ് സൂചന പണിമുടക്ക്. എമ്പുരാൻ റിലീസ് ദിവസം സൂചന പണിമുടക്ക് നടത്താനാണ് നീക്കം.
നിർമാതാവ് ജി.സുരേഷ്കുമാറും ആന്റണി പെരുമ്പാവൂരുമായുള്ള തർക്കമാണ് മറ്റൊരു തലത്തിലേക്ക് ഇപ്പോൾ കടക്കുന്നത്.മാർച്ച് 25മുതലുള്ള റിലീസുകൾക്ക് കരാർ ഒപ്പിടുന്നതിന് അനുവാദം വാങ്ങണമെന്നാണ് ചേംബറിൻ്റെ പുതിയ തീരുമാനം.ഫിയോക്ക് ഉൾപ്പെടെയുള്ള സിനിമാസംഘടനകൾക്ക് ഇക്കാര്യം ചൂണ്ടിക്കാട്ടി ചേംബർ കത്ത് നൽകിയിട്ടുണ്ട്.മാർച്ച് 27ന് എമ്പുരാൻ റിലീസ് പ്രഖ്യാപിച്ചിരിക്കെയാണ് ചേംബറിന്റെ ഈ നടപടി
