കടവല്ലൂർ പാടത്ത് വ്യാപകമായി ശുചിമുറി മാലിന്യം തള്ളിയ നിലയിൽ കണ്ടെത്തി

തൃശൂർ മലപ്പുറം ജില്ല അതിർത്തിയായ കടവല്ലൂർ പാടത്ത് റോഡിനോട് ചേർന്നും തോട്ടിലേക്കും ശുചിമുറി മാലിന്യം ഒഴുക്കിയ നിലയില്‍ കണ്ടെത്തി.പ്രഭാത സവാരിക്ക് ഇറങ്ങിയ പ്രദേശത്തെ നാട്ടുകാരാണ് സംഭവം കണ്ടത്. പ്രദേശത്ത് വ്യാപകമായി ദുർഗന്ധം അനുഭവപ്പെടുന്നുണ്ട്.പ്രദേശത്തുകാരുടെയും
കർഷകരുടെയും നിരന്തരമായുള്ള ആവശ്യമാണ് രാത്രിയുടെ മറവിൽ മാലിന്യം തള്ളുന്നവരെ കണ്ടെത്തി കർശന നടപടി സ്വീകരിക്കണമെന്നും പരിസരത്ത് സിസിടിവി ക്യാമറ സ്ഥാപിക്കണമെന്നുള്ളതും.കഴിഞ്ഞ ദിവസമാണ് കർഷകരുടെ പരാതിയെ തുടർന്ന് കടവല്ലൂർ ഗ്രാമപഞ്ചായത്ത് കടവല്ലൂർ പാടത്ത് നിരീക്ഷണ ക്യാമറ സ്ഥാപിക്കുന്നതിന് ആവശ്യമായ നടപടികൾ ഉടൻ സ്വീകരിക്കുമെന്ന് കർഷകർക്ക് ഉറപ്പ് നൽകിയത്