മറ്റൊരാളുമായി നിശ്ചയിച്ച വിവാഹത്തിനായി കാമുകനെ വിളിച്ചു വരുത്തി കഷായത്തില് കീടനാശിനി കലര്ത്തി നല്കി കൊലപ്പെടുത്തിയെന്ന കേസിലെ ഒന്നാം പ്രതിയായി ശിക്ഷിക്കപ്പെട്ട ഗ്രീഷ്മയ്ക്ക് ജയിലില് ലഭിച്ചതും ഒന്നാം നമ്ബർ.2025ലെ ആദ്യത്തെ വനിതാ ജയില് പുള്ളിയായതിനാലാണ് 1/2025 എന്ന നമ്ബർ നല്കിയിരിക്കുന്നത്.
അട്ടക്കുളങ്ങര വനിതാ ജയിലില് അറ്റകുറ്റപ്പണികള് നടക്കുന്നതിനാല് 14-ാം ബ്ലോക്കില് മറ്റ് രണ്ട് റിമാൻഡ് പ്രതികള്ക്കൊപ്പമാണ് ഗ്രീഷ്മയെ താമസിപ്പിരിക്കുന്നത്. വൈകുന്നേരത്തോടെ ജയിലിലെ അഡ്മിഷൻ നടപടികള് പൂർത്തിയാക്കി. വിചാരണക്കാലത്തും ഗ്രീഷ്മ ഇതേജയിലില് തന്നെയായിരുന്നു. എന്നാല് സഹതടവുകാരികളുടെ പരാതിയെത്തുടർന്ന് 2025 സെപ്റ്റംബറില് മാവേലിക്കര വനിതാ സ്പെഷ്യല് ജയിലിലേക്കു മാറ്റി. വധശിക്ഷ വിധിയുമായി വീണ്ടും അട്ടക്കുളങ്ങരയിലേക്ക് എത്തിക്കുമ്ബോള് പരാതികള് ഉയരുമോ എന്നത് കണ്ടറിയണം. ഒക്ടോബര് 14നായിരുന്നു കേരളത്തെ ഞെട്ടിച്ച കൊലപാതകം നടന്നത്. തമിഴ്നാട് പളുകലിലുള്ള വീട്ടില് വെച്ച് ആണ്സുഹൃത്തായിരുന്ന ഷാരോണിന് കഷായത്തില് വിഷം കലക്കി നല്കുകയായിരുന്നു. ശാരീരിക അസ്വാസ്ഥ്യം നേരിട്ടതോടെ ഷാരോണിനെ ആശുപത്രിയില് പ്രവേശിപ്പിച്ചു. ദിവസങ്ങളോളം ജീവന് വേണ്ടി പൊരുതിയ ഷാരോണ് ഒടുവില് ഒക്ടോബര് 25ന് മരണത്തിന് കീഴടങ്ങുകയായിരുന്നു.
