പൊന്നാനിയില്‍ ഓടിക്കൊണ്ടിരുന്ന ഓട്ടോറിക്ഷ കത്തി നശിച്ചു

പൊന്നാനി:പൊന്നാനിയില്‍ ഓടിക്കൊണ്ടിരുന്ന ഓട്ടോറിക്ഷ കത്തി നശിച്ചു.പൊന്നാനി കുറ്റിപ്പുറം ദേശീയപാതയില്‍ ഉച്ചക്ക് ഒരു മണിയോടെയാണ് സംഭവം.ഓട്ടോറിക്ഷയില്‍ നിന്ന് പുക ഉയരുന്നത് കണ്ട് ഓട്ടോറിക്ഷ നിര്‍ത്തി ഡ്രൈവറും യാത്രക്കാരും പുറത്തിറങ്ങി.അതിക സമയം കഴിയും മുമ്പ് ഓട്ടോറിക്ഷ കത്തുകയായിരുന്നു.നാട്ടുകാരുടെ നേതൃത്വത്തില്‍ തീ കെടുത്താന്‍ ശ്രമം നടത്തിയെങ്കിലും സാധിക്കാതെ വന്നതോടെ പൊന്നാനിയില്‍ നിന്ന് ഫയര്‍ഫോഴ്സ് എത്തി.തീ പൂര്‍ണ്ണമായും കെടുത്തിയെങ്കിലും ഓട്ടോറിക്ഷ പൂര്‍ണ്ണമായും കത്തി നശിച്ചിരുന്നു.ഷോര്‍ട്ട് സര്‍ക്യൂട്ട് ആവും അപകട കാരണമെന്നാണ് നിഗമനം