അടിപിടി കേസിലെ പ്രതി അരകിലോയോളം കഞ്ചാവുമായി പൊന്നാനി പോലീസിന്റെ പിടിയില്‍

പൊന്നാനി:അടിപിടി കേസിലെ പ്രതി അരകിലോയോളം കഞ്ചാവുമായി പൊന്നാനി പോലീസിന്റെ പിടിയില്‍.കഴിഞ്ഞ ദിവസം പൊന്നാനി മുക്കാടി സ്വദേശി ചന്തക്കാരന്റെ വീട്ടിൽ മശൂദിനെ മാരകമായി അടിച്ചു പരിക്കേൽപ്പിച്ച കേസിലെ പ്രതികളാണ് കഞ്ചാവുമായി പിടിയിലായത്.പൊന്നാനി മരക്കടവ്സ്വദേശി ബീരാൻ കുട്ടിക്കാനത്ത് വീട്ടിൽ 39 വയസുള്ള അബ്ദുൽ മനാഫ് ആണ് അര കിലോയോളം കഞ്ചാവുമായി പോലീസ് പിടികൂടിയത്.മനാഫിനെതിരെ അടിപിടി കേസിന് പുറമേ എൻഡിപിഎസ് ആക്ട് പ്രകാരവും പോലീസ് കേസ് രജിസ്റ്റർ ചെയ്തു. മരക്കടവ് പുത്തൻപുരയിൽ 22 വയസുള്ള സൈനുൽ ആബിദിനെയും അടിപിടി കേസില്‍ പോലീസ് പിടികൂടി.പൊന്നാനി ഇൻസ്പെക്ടർ ജലീൽ കറുത്തേടത്തിന്റെ നേതൃത്വത്തിൽ സബ് ഇൻസ്പെക്ടർ വിനോദ്.ടി ,അസിസ്റ്റൻറ് സബ് ഇൻസ്പെക്ടർ മധുസൂദനൻ,പോലീസുകാരായ സജു കുമാർ, അനിൽ വിശ്വന്‍,പ്രശാന്ത് കുമാർ, സജിമോൻ,വിനോദ്, സുമേഷ്, കൃപേഷ് എന്നിവരും ചേർന്നാണ് പ്രതികളെയും കഞ്ചാവും പിടികൂടിയത്.പൊന്നാനി കോടതിയിൽ ഹാജരാക്കിയ പ്രതികളെ തവനൂർ സെൻട്രൽ ജയിലിലേക്ക് റിമാൻഡ് ചെയ്തു.