പൊന്നാനിയില്‍ രണ്ട് കിലോ കഞ്ചാവ് പിടിച്ച കേസില്‍ ഓടി രക്ഷപ്പെട്ട പ്രതി പിടിയിൽ

പൊന്നാനി:കഴിഞ്ഞ ഡിസംബർ മാസത്തിൽ കവചം പൊന്നാനി പദ്ധതിയിൽ ലഭിച്ച വിവരത്തിന്റെ അടിസ്ഥാനത്തിൽ നടത്തിയ റെയ്ഡില്‍ 2 കിലോ കഞ്ചാവ് പിടിച്ച കേസില്‍ ഓടി രക്ഷപ്പെട്ട പ്രതി പിടിയില്‍. രണ്ട് കിലോ കഞ്ചാവുമായി കറുപ്പൻ വീട്ടിൽ ഫാരിസ് റഹ്മാൻ എന്ന യുവാവിനെ നേരത്തെ പോലീസ് പിടികൂടിയിരുന്നു.കേസില്‍ പോലീസിനെ കണ്ട് രക്ഷപ്പെട്ട പ്രതികളിൽ ഒരാളായ ഈശ്വരമംഗലം കാളിയാരകത്ത് വീട്ടിൽ 20 വയസുള്ള അസീബ് നെയാണ് പൊന്നാനി പോലീസ് ഇൻസ്പെക്ടർ ജലീൽ കറുത്തേടത്ത് അറസ്റ്റ് ചെയ്തത്. പ്രതി നിരവധി ബൈക്ക് മോഷണം കേസിലും അടിപിടി കേസിലും പ്രതിയാണെന്ന് ഉദ്ധ്യോഗസ്ഥര്‍ പറഞ്ഞു. പൊന്നാനി അസിസ്റ്റൻറ് സബ് ഇൻസ്പെക്ടർ മധുസൂദനൻ,പോലീസുകാരായ സജു കുമാർ,വിനോദ് ,സുമേഷ് എന്നിവർ ചേർന്നാണ് പ്രതിയെ പിടികൂടിയത്.പൊന്നാനി കോടതിയിൽ ഹാജരാക്കിയ പ്രതിയെ തവനൂർ സെൻട്രൽ ജയിലിലേക്ക് റിമാൻഡ് ചെയ്തു .