ഇടുക്കി: പുല്ലുപാറയ്ക്ക് സമീപം കെഎസ്ആര്ടിസി ബസ് കൊക്കയിലേക്ക് മറിഞ്ഞ് അപകടം. മാവേലിക്കരയില് നിന്നും തഞ്ചാവൂരിലേക്ക് വിനോദ യാത്ര പോയ സംഘം സഞ്ചരിച്ച ബസ് ആണ് മറിഞ്ഞത്. മുഴുവൻ യാത്രക്കാരെയും രക്ഷപ്പെടുത്തി.
മുപ്പതടിയോളം താഴ്ച്ചയില് മരത്തില് തട്ടി നില്ക്കുകയാണ് ബസ്. ഹൈവേ പൊലീസും പ്രദേശവാസികളും ചേര്ന്നാണ് രക്ഷാപ്രവര്ത്തനം നടത്തിയത്. യാത്രക്കാര്ക്ക് ഗുരുതര പരിക്കില്ലെന്നാണ് പ്രാഥമിക വിവരം. 34 പേരാണ് ബസില് ഉണ്ടായിരുന്നത്.
തഞ്ചാവൂരില് നിന്നും മടങ്ങിവരവെയാണ് അപകടം ഉണ്ടായത്. കൊടുവളവ് നിറഞ്ഞ പ്രദേശത്താണ് അപകടം. ബസിന്റെ ബ്രേക്ക് നഷ്ടപ്പെട്ടതാണോ അപകടത്തിന് കാരണമായതെന്ന് സംശയിക്കുന്നു.
