ചങ്ങരംകുളത്ത് ഷീറ്റ് വര്‍ക്കിനിടെ കെട്ടിടത്തിലെ രണ്ടാം നിലയില്‍ നിന്ന് താഴെ വീണ് പരിക്കേറ്റ വെല്‍ഡിങ് തൊഴിലാളി മരിച്ചു’താഴേക്ക് വീണത് 30 അടിയോളം ഉയരത്തില്‍ നിന്ന്

ചങ്ങരംകുളത്ത് ഷീറ്റ് വര്‍ക്കിനിടെ കെട്ടിടത്തിന്റെ രണ്ടാം നിലയില്‍ നിന്ന് പൈപ്പ് പൊട്ടി താഴെ വീണ് പരിക്കേറ്റ വെല്‍ഡിങ് തൊഴിലാളി മരിച്ചു.കപ്പൂര്‍ കൊഴിക്കര സ്വദേശി പുത്തന്‍വീട്ടില്‍ രാജന്റെ മകന്‍ 24 വയസുള്ള ജിഷില്‍ രാജ് ആണ് മരിച്ചത്.തലക്ക് ഗുരുതരമായി പരിക്കേറ്റ ജിഷില്‍ തൃശ്ശൂരിലെ സ്വകാര്യ ആശുപത്രിയില്‍ ചികിത്സയില്‍ ആയിരുന്നു.അതി തീവ്ര പരിചരണ വിഭാഗത്തില്‍ ചികിത്സയില്‍ കഴിഞ്ഞ ജിഷില്‍ ഞായറാഴ്ച പുലര്‍ച്ചയോടെയാണ് മരണത്തിന് കീഴടങ്ങിയത്.ജിഷിലിന്റെ ചികിത്സക്കായി സുഹൃത്തുക്കളും നാട്ടുകാരും ചേര്‍ന്ന് സഹായസമിതി രൂപീകരിച്ചിരുന്നു.അപകടത്തില്‍ പുത്തന്‍പള്ളി സ്വദേശി മോഹനനും പരിക്കേറ്റിരുന്നു.തിങ്കളാഴ്ച കാലത്ത് 11 മണിയോടെ ചങ്ങരംകുളം ടൗണില്‍ ചിറവല്ലൂര്‍ റോഡിലാണ് സംഭവം. സ്വകാര്യ വെക്തിയുടെ കെട്ടിടത്തിന് മുകളില്‍ ഷീറ്റ് വര്‍ക്ക് ചെയ്യുന്ന തൊഴിലാളികളാണ് അപകടത്തില്‍ പെട്ടത്.വെല്‍ഡിങ് ചെയ്യുന്നതിനിടെ പൈപ്പ് പൊട്ടി രണ്ട് പേരും താഴേക്ക് വീഴുകയായിരുന്നു.30 അടിയോളം ഉയരത്തില്‍ നിന്നാണ് ഇരുവരും താഴെ വീണത്.പരിക്കേറ്റവരെ ഓടി കൂടിയവര്‍ ചേര്‍ന്നാണ് ചങ്ങരംകുളത്തെ സ്വകാര്യ ആശുപത്രിയില്‍ എത്തിച്ചത്.തലക്ക് ഗുരുതരമായി പരിക്കേറ്റ ജിഷിലിനെ പിന്നീട് തൃശ്ശൂരിലെ സ്വകാര്യ ആശുപത്രിയിലേക്ക് മാറ്റുകയായിരുന്നു.മൃതദേഹം നടപടിക്രമങ്ങള്‍ പൂര്‍ത്തിയാക്കി ബന്ധുക്കള്‍ക്ക് വിട്ട് നല്‍കും.