ആരോഗ്യ സന്ദായിനി 75 വാർഷികം ചങ്ങരംകുളം അഥിതി ചികിത്സാലയത്തില്‍ നടന്നു

ചങ്ങരംകുളം :1949 ൽ പ്രവർത്തനമാരംഭിച്ച ആരോഗ്യ സന്ദായിനി വൈദ്യശാലയുടെ എഴുപത്തിയഞ്ചാം വാർഷികം സമുചിതമായി ആഘോഷിച്ചു.നിസ്വനും സത്യസന്ധതയും കൈമുതലാക്കി ചികിത്സാരംഗത്ത് നിലയുറപ്പിച്ചത് കൊണ്ടാണ് സന്ദായനിയുടെ സ്ഥാപകനായ സൈമൺ വൈദ്യർ ഇപ്പോഴും സ്മരിക്കപ്പെടുന്നതെന്ന് എഴുത്തുകാരൻ താഹിർ ഇസ്മായിൽ ചങ്ങരംകുളം അനുസ്മരണ പ്രഭാഷണത്തിൽ അഭിപ്രായപ്പെട്ടു.ഫാദർ വർഗ്ഗീസ് വാഴപ്പിള്ളി അധ്യക്ഷനായ ചടങ്ങ് കോട്ടക്കൽ ആര്യ വൈദ്യശാല മാനേജിങ് ട്രസ്റ്റി പി മാധവൻ കുട്ടി വാര്യർ ഉത്‌ഘാടനം ചെയ്തു.തൃശൂർ സീതാറാം എം ഡി മുഖ്യപ്രഭാഷണം നടത്തി . ഡോ ദിനേശ് ആയുർവേദത്തിന്റെ കാലിക പ്രസക്തിയെ കുറിച്ച് ക്‌ളാസെടുത്തു.കാലങ്ങളായി പ്രദേശത്ത് ആയുവേദ ചികിത്സാ രംഗത്ത് പ്രവർത്തിക്കുന്ന പത്ത് വൈദ്യന്മാരെ ചടങ്ങിൽ ആദരിച്ചു.ഡോ സർ കെ വി കൃഷ്ണൻ , പി പി യൂസഫലി , പ്രതിഭ ടീച്ചർ , മുസ്തഫ ആലുങ്ങൽ,ആലംകോട് പഞ്ചായത്ത് പ്രസിഡണ്ട് കെവി ഷെഹീർ , ടി സത്യൻ ,പി വിജയൻ എന്നിവർ ആശംസകൾ നേർന്നു .ജോസ് വൈദ്യർ സ്വാഗതം പറഞ്ഞ ചടങ്ങ് കൺ വീനർ അനസ് യൂസഫ് യാസീൻ നിയന്ത്രിച്ചു .പ്രോഗ്രാം ഡയറക്റ്റർ ഡോക്ടര്‍ ശിൽപ്പ അരികത്ത് നന്ദി പ്രകാശിപ്പിച്ചു .