പെരുമ്പടപ്പ്ഷോപ്പിങ് ഫെസ്റ്റിവൽ ‘PSF 2025’മാരത്തോണുംലോഗോ പ്രകാശനവും ഞായറാഴ്ച നടക്കും

പെരുമ്പടപ്പ്:കേരള വ്യാപാരി വ്യവസായി ഏകോപന സമിതി പെരുമ്പടപ്പിന്റെ നേതൃ ത്വത്തിൽ മാർച്ച്‌, ഏപ്രിൽ മാസങ്ങളിൽ നടക്കാനിരിക്കുന്ന ഷോപ്പിംഗ് ഫെസ്റ്റിവലിന്റെ വിളമ്പരാർത്ഥം നടത്തുന്ന FUN RUN MARATHON ജനുവരി 5ന് ഞായറാഴ്ച വൈകിയിട്ട് 3 30ന് എരമംഗലം കളത്തിൽ പടിയിൽ വച്ച് നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.പരിപാടി പെരുമ്പടപ്പ് സിഐ ബിജു സിവി ഫ്ലാഗ് ഓഫ് ചെയ്യും.വന്നേരി ഗ്രൗണ്ടിൽ അവസാനിക്കുന്ന മാരത്തോണിൽ ഫിനിഷ് ചെയ്യന്നവർക്കു കേരള വ്യാപാരി വ്യവസായി ഏകോപന സമിതി മലപ്പുറം ജില്ലാ വൈസ് പ്രസിഡന്റ്‌ പ്രകാശ് എടപ്പാൾ,പൊന്നാനി മണ്ഡലം പ്രസിഡന്റ് ഫൈസൽ മാറഞ്ചേരി,സെക്രട്ടറി ഉസ്മാൻ പന്താവൂർ എന്നിവരുടെ സാന്നിധ്യത്തിൽ സമ്മാനവിതരണം നടക്കും.കേരള വ്യാപാരി വ്യവസായി ഏകോപന സമിതി സംസ്ഥാന വർക്കിങ് പ്രസിഡണ്ടും,മലപ്പുറം ജില്ലാ പ്രസിഡണ്ടു മായ പി കുഞ്ഞാവു ഹാജി മെഡലുകൾ അണിയിക്കും.PSF-2025ലോഗോ പ്രകാശന കർമവും കുഞ്ഞാവു ഹാജി നിർവഹിക്കും.മാർച്ച്‌ ഏപ്രിലിൽ ഒരു മാസത്തോളം നീണ്ടു നിൽക്കുന്ന ഫെസ്റ്റിൽ മെഗാ ഷോപ്പിംഗ്‌ സെയില്‍,കുട്ടികൾക്കും മുതിർന്നവർക്കുമുള്ള വിവിധയിനം മത്സരങ്ങൾ, ഫുഡ്‌ കോർട്ട്, ട്രേഡ് ഫെയർ സോൺ, വിവിധ സ്റ്റേജ് പ്രോഗ്രാമുകൾ തുടങ്ങിയ പരിപാടികളാണ് ആസൂത്രണം ചെയ്തിട്ടുള്ളതെന്നും ഭാരവാഹികള്‍ അറിയിച്ചു. യൂണിറ്റ് പ്രസിഡന്റ്‌ സലാഹുദ്ധീൻ സ്കൈലാർക്,സെക്രട്ടറി മുഹമ്മദ്‌ കുട്ടി മെട്രോ, ട്രഷറർ സലാലുദ്ദീൻ എംകെ, ജില്ലാ കമ്മിറ്റി മെമ്പർ രവി മിൽമ, പ്രോഗ്രാം കൺവീനർ ആസിഫ് പെരുമ്പടപ്പ് തുടങ്ങിയവര്‍ വാർത്താ സമ്മേളനത്തിൽ പങ്കെടുത്തു