ചങ്ങരംകുളം കൊഴിക്കരയില്‍ യുവാവിനെ റോഡരികില്‍ മര്‍ദ്ധനമേറ്റ നിലയില്‍ കണ്ടെത്തി’ഗുരുതര പരിക്ക്ആംബുലന്‍സ് വിളിച്ച് ആശുപത്രിയില്‍ എത്തിച്ചത് പോലീസ്:’അന്വേഷണം തുടങ്ങി

ചങ്ങരംകുളം കൊഴിക്കരയില്‍ യുവാവിനെ മര്‍ദ്ധനമേറ്റ നിലയില്‍ കണ്ടെത്തി.കൊഴിക്കര സ്വദേശി 31 വയസുള്ള യൂസഫ് അലിയെയാണ് ഗുരുതരമായി പരിക്കേറ്റ നിലയില്‍ കണ്ടെത്തിയത്.വ്യാഴാഴ്ച രാത്രി 12 മണിയോടെയാണ് സംഭവം.മലപ്പുറം പാലക്കാട് ജില്ലാ അതിര്‍ത്ഥിയായ വളയംകുളം കൊഴിക്കര റോഡിലാണ് രക്തം വാര്‍ന്ന നിലയില്‍ യുവാവിനെ കണ്ടെത്തിയത്.വഴി യാത്രികര്‍ ചങ്ങരംകുളം പോലീസില്‍ വിളിച്ച് വിവരം അറിയിച്ചതിനെ തുടര്‍ന്ന് എസ്ഐ സുരേഷിന്റെ നേതൃത്വത്തില്‍ പോലീസെത്തി.ആംബുലന്‍സ് വരുത്തിയാണ് ഇയാളെ ചങ്ങരംകുളത്ത് സണ്‍റൈസ് ആശുപത്രിയില്‍ എത്തിച്ചത്.മുഖത്തും തലയിലും ഗുരുതരമായി പരിക്കേറ്റ ഇയാളെ പിന്നീട് 108 ആംബുലന്‍സില്‍ തൃശ്ശൂര്‍ മെഡിക്കല്‍ കോളേജിലേക്ക് മാറ്റി.സംഭവത്തില്‍ ചങ്ങരംകുളം പോലീസ് അന്വേഷണം ആരംഭിച്ചിട്ടുണ്ട്.ഏതാനും യുവാക്കള്‍ ചേര്‍ന്ന് മര്‍ദ്ധിച്ചെന്നാണ് യുവാവ് പോലീസിന് നല്‍കിയ വിവരം