കായിക മാമാങ്കങ്ങളെ കൊണ്ട് സമ്പന്നമായ വർഷമാണ് കടന്നുപോയത്. ഒളിംപിക്സും ടി 20 ലോകകപ്പും കോപ്പ അമേരിക്ക, യൂറോ കപ്പ് പോരാട്ടങ്ങളുമെല്ലാം നടന്ന വർഷമായിരുന്നു 2024. ഇതൊന്നുമില്ലെങ്കിൽ കൂടി 2025 ന്റെ കായിക കലണ്ടറുകളും ഫുള്ളാണ്. 2025 ലെ പ്രധാന ഫുടബോൾ ടൂൺമെന്റുകളിലേക്കും ഫൈനലുകളിലേക്കും ഒരു എത്തിനോട്ടം.
മാർച്ച് 16 ൽ നടക്കുന്ന ഇംഗ്ലിഷ് ലീഗ് കപ്പ് ഫൈനലാണ് ഈ വർഷത്തെ ആദ്യ പ്രധാന ഫുട്ബാൾ ടൂർണമെന്റ് ഫൈനൽ. ലണ്ടനാണ് വേദി. മേയ് 21 ന് ബിൽബാവോയിൽ നടക്കുന്ന യൂറോപ്പ ലീഗ് ഫൈനലാണ് മറ്റൊന്ന്. തൊട്ടടുത്ത ദിവസത്തിൽ തന്നെ മേയ് 24 ന് ജർമൻ കപ്പ് ഫൈനൽ നടക്കും. സമാന ദിവസം തന്നെയാണ് ഫ്രഞ്ച് കപ്പ് ഫൈനലും നടക്കുന്നത്.
മേയ് 28 ന് യൂറോപ്പ കോൺഫറൻസ് ലീഗ് ഫൈനലിന് പോളണ്ട് വേദിയാകുമ്പോൾ മേയ് 31 ന് യുവേഫ ചാംപ്യൻസ് ലീഗ് ഫൈനലിന് മ്യൂണിച്ച് വേദിയാകും. ജൂൺ നാല് മുതൽ എട്ട് വരെയാകും യുവേഫ നേഷൻസ് ലീഗ് ഫൈനാൻസ് നടക്കുക. ജൂൺ 14 മുതൽ ജൂലൈ 13 വരെ ഫിഫ ക്ലബ് ലോകകപ്പിന് യുഎസ് വേദിയാകുമ്പോൾ ജൂലൈ 2 മുതൽ 27 വരെ യുവേഫ വനിതാ യൂറോ കപ്പിന് സ്വിറ്റ്സർലൻഡ് വേദിയാകും. അതേ സമയം ഫിഫ അണ്ടർ 20 ലോകകപ്പ് സെപ്റ്റംബർ 27 മുതൽ ഒക്ടോബർ 19 വരെയുള്ള തിയ്യതികളിൽ ചിലിയിൽ നടക്കും. ഡിസംബർ 21 മുതൽ തുടങ്ങുന്ന ആഫ്രിക്ക കപ്പ് ഓഫ് നേഷൻസിന് മൊറോക്കയും വേദിയാകും.
