ചിയ്യാനൂര്‍ ലക്ഷംവീട് കോളനിയില്‍ മുടങ്ങിക്കിടക്കുന്ന കുടിവെള്ള പദ്ധതിക്ക് ശാശ്വത പരിഹാരം കാണണം

ചങ്ങരംകുളം:ആലങ്കോട് പഞ്ചായത്തിലെ ചിയ്യാനൂര്‍ ലക്ഷംവീട് കോളനിയില്‍ മാസങ്ങളായി മുടങ്ങിക്കിടക്കുന്ന കുടിവെള്ള പദ്ധതിക്ക് ശാശ്വതമായ പരിഹാരം കാണണമെന്ന് ആവശ്യപ്പെട്ട് സിപിഐ എം ചങ്ങരംകുളം ഈസ്റ്റ് ബ്രാഞ്ച് സെക്രട്ടറി എ പി മുഹമ്മദ് മാനു ആലങ്കോട് പഞ്ചായത്ത് പ്രസിഡന്റ് പ്രസിഡന്റിന് നിവേദനം നല്‍കി.മാസങ്ങളായി കോളനിയിലെ കുടിവെള്ള പദ്ധതി പ്രവര്‍ത്തനമില്ലാതെ കിടക്കുകയാണ്.ഇതുമൂലം കോളനിയിലെ 18 ഓളം കുടുംബങ്ങള്‍ ദുരിതമനുഭവിക്കുകയാണ്.വേഗത്തില്‍ കുടിവെള്ള പ്രശ്‌നം പരിഹരിക്കുന്നതിനുള്ള നടപടി സ്വീകരിക്കുമെന്ന് ആലങ്കോട് പഞ്ചായത്ത് പ്രസിഡൻ്റ് കെ വി ഷെഹീര്‍ ഉറപ്പുനല്‍കിയതായി എ പി മുഹമ്മദ് മാനു പറഞ്ഞു.