ഐങ്ങോത്ത് ദേശീയപാതയിലെ അപകടം: രണ്ട് പേർ മരിച്ചു’2 പേരുടെ പരിക്ക് ഗുരുതരം

കാഞ്ഞങ്ങാട്:ഐങ്ങോത്ത് ദേശീയപാതയിൽ ഞായറാഴ്ച ഉച്ചക്ക് 12 മണിയോടെ ഉണ്ടായ അപകടത്തിൽ രണ്ട് പേർ മരിച്ചു.കെഎസ്ആർടി ബസും കാറും കൂട്ടിയിടിച്ചാണ് അപകടം ഉണ്ടായത്. നീലേശ്വരം കണിച്ചിറ സ്വദേശികളായ 16 വയസുള്ള ആൺകുട്ടിയും പെൺകുട്ടിയുമാണ് മരിച്ചത്. ഇവരുടെ മൃതദേഹങ്ങൾ കാഞ്ഞങ്ങാട് ജില്ലാ ആശുപത്രി മോർച്ചറിയിലേക്ക് മാറ്റി. ഗുരുതരമായി പരിക്കേറ്റ രണ്ടു പേരെ കണ്ണൂർ മിംസ് ആശുപത്രിയിലും ഒരാൾ കാഞ്ഞങ്ങാട് ഐഷൽ മെഡിസിറ്റി ഹോസ്പിറ്റലിലും ചികിത്സയിലാണ്. കണ്ണൂർ ഭാഗത്തേക്ക് പോകുകയായിരുന്ന കാറും എതിരെ വന്ന ബസും കൂട്ടിയിടിക്കുകയായിരുന്നു. ഫയർഫോഴ്സ് എത്തി കാർ വെട്ടി പൊളിച്ചാണ് യാത്രക്കാരെ പുറത്തെടുത്ത്.