എടപ്പാൾ:നെന്ത്രക്കായയുടെ വില പൂർവ്വാധികം ഉയർന്നിരിക്കുകയാണ്. മൊത്തവിപണിയിൽ 60 മുതൽ 65 രൂപ വരെ, ചില്ലറവിപണിയിൽ 70 മുതൽ 75 രൂപ വരെ വില എത്തി.ഓണക്കാലത്ത് 45-50 രൂപയായിരുന്നു നെന്ത്രക്കായയുടെ ശരാശരി വില.ഇപ്പോഴത്തെ വിലവർദ്ധനവിന് പ്രധാന കാരണം നെത്രക്കായയുടെ ലഭ്യത കുറവായതാണെന്ന് വ്യാപാരികൾ വ്യക്തമാക്കുന്നു.നേരത്തെ യഥേഷ്ടം ലഭ്യമായിരുന്ന നെത്രക്കായ ഇപ്പോൾ കൂടുതലായും തമിഴ്നാട്ടിലെ മേട്ടുപ്പാളയം,സത്യമംഗലം, പുളിയംവെട്ടി എന്നീ മേഖലകളിൽ നിന്ന് മാത്രമാണ് എത്തുന്നത്.
“ലഭ്യത കുറവാണ് വില ഉയരാൻ കാരണം. നിലവിലെ സാഹചര്യം തുടരുകയാണെങ്കിൽ വില ഇനിയും കൂടാൻ സാധ്യതയുണ്ട്,” എന്ന് എടപ്പാളിലെ എൻ.എച്ച് ബനാനയുടെ ഉടമ സലാം പറഞ്ഞു.വിപണി നേരിടുന്ന ഈ അവസ്ഥ ഉപഭോക്താക്കളിലും വ്യാപാരികളിലും ആശങ്ക ജനിപ്പിച്ചിരിക്കുകയാണ്
