ചങ്ങരംകുളത്ത് നിന്ന് യുവാവിനെ തട്ടിക്കൊണ്ട് പോയിമര്ദ്ധിച്ച് മൊബൈല് ഫോണ് കവരുകയും പണം ആവശ്യപ്പെട്ട് മര്ദ്ധിക്കുകയും ചെയ്തെന്ന പരാതിയില് ഒളിവില് കഴിഞ്ഞ പ്രതി പിടിയില്.എടപ്പാൾ അംശക്കച്ചേരിയിൽ താമസക്കാരനായ ചിറക്കൽ മുഹമ്മദ് കുട്ടി മകൻ ഇസ്മയിൽ (31)നെയാണ് ചങ്ങരംകുളം എസ്ഐ ജിതിന് വാസിന്റെ നേതൃത്വത്തിലുള്ള അന്വേഷണ സംഘം കോഴിക്കോട് നിന്ന് പിടികൂടിയത്.നവംബര് 4ന് രാത്രി 11.30 ഓടെയാണ് ചങ്ങരംകുളത്ത് വച്ച് ബൈക്കിന് ലിഫ്റ്റ് ചോദിച്ച ചങ്ങരംകുളം ചിയ്യാനൂര് സ്വദേശിയായ നൗഷാദ് എന്ന യുവാവിനെ ഇയാള് ബൈക്കില് കയറ്റി കൊണ്ട് പോയത്.ബൈക്ക് നിര്ത്താതെ ഏറെ നേരം പോയ ശേഷം ആളില്ലാത്ത സ്ഥലത്ത് ബൈക്ക് നിര്ത്തി യുവാവിനെ കത്തി കാണിച്ച് ഭീഷണിപ്പെടുത്തി മൊബൈൽ ഫോൺ കവരുകയും,കൂടുതൽ പണം ആവശ്യപ്പെട്ട് മർദ്ദിക്കുകയും ചെയ്തെന്നാണ് പരാതി.സംഭവത്തിന് ശേഷം നൗഷാദിനെ റോഡരികില് ഉപേക്ഷിച്ച് പ്രതി രക്ഷപ്പെടുകയായിരുന്നു.ചങ്ങരംകുളം പോലീസ് കേസെടുത്ത് നടത്തിയ അന്വേഷണത്തിലാണ് പ്രതി പിടിയിലായത്.പിടിയിലായ പ്രതി മറ്റു ക്രിമിനൽ കേസ്സുകളിലും പ്രതിയാണെന്ന് പോലീസ് അറിയിച്ചു.







