ഇനി ഒടിടിയിൽ; കങ്കുവയുടെ റീലിസ് പ്രഖ്യാപിച്ചു

വലിയ പ്രതീക്ഷയോടെ സൂര്യ ആരാധകർ കാത്തിരുന്ന ചിത്രമാണ് കങ്കുവ. നവംബര്‍ 14 ന് ആയിരുന്നു ചിത്രത്തിന്റെ റിലീസ്. സൂര്യയുടെ കരിയറിലെ ഏറ്റവും വലിയ ചിത്രം കൂടിയാണ് ഇത്. 350 കോടി ബജറ്റില്‍ ആയിരുന്നു ചിത്രം നിർമിക്കാനെത്തിയത്. ഇപ്പോഴിതാ ചിത്രത്തിന്റെ ഒ ടി ടി റിലീസ് പ്രഖ്യാപിച്ചിരിക്കുകയാണ്. പ്രമുഖ ഒടിടി പ്ലാറ്റ്ഫോം ആയ ആമസോണ്‍ പ്രൈം വീഡിയോയിൽ ആയിരിക്കും ചിത്രം എത്തുക. ഡിസംബർ 8 ന് ആകും ചിത്രം ഒ ടി ടി യിൽ സ്ട്രീമിം​ഗ് ആരംഭിക്കുക. തമിഴിന് പുറമെ തെലുങ്ക്, മലയാളം, കന്നഡ ഭാഷകളിലും ചിത്രം ഒ ടി ടി യിലെത്തും.തിയറ്ററുകളിൽ മികച്ച കളക്ഷൻ നേടാത്തതിനാലാണ് ചിത്രം വളരെ പെട്ടന്ന് തന്നെ ഒ ടി ടി യിൽ എത്തുന്നത് എന്നും അഭിപ്രായം ഉണ്ട്. നാല് ആഴ്ച പോലും പൂര്‍ത്തിയാക്കും മുന്‍പേയാണ് കങ്കുവ ഒടിടിയിൽ എത്തുന്നത്.സ്റ്റുഡിയോ ​ഗ്രീനും യു വി ക്രിയേഷന്‍സും ചേര്‍ന്നായിരുന്നു കങ്കുവയുടെ നിർമാണം.ബോബി ഡിയോള്‍ ആയിരുന്നു വില്ലൻ കഥാപാത്രത്തെ ചിത്രത്തിൽ അവതരിപ്പിച്ചത്. ദിഷ പഠാനിയായിരുന്നു നായിക . ശിവയ്ക്കൊപ്പം ആദി നാരായണയും മദന്‍ ഗാര്‍ഗിയും ചേര്‍ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. വി വംശി കൃഷ്ണ റെഡ്ഡി, പ്രമോദ് ഉപ്പലപതി, അബ്ദുള്ള അല്‍ സാജിദ് എന്നിവരാണ് കെ ഇ ജ്ഞാനവേല്‍ രാജയ്ക്കൊപ്പം ചേര്‍ന്ന് കങ്കുവ നിര്‍മ്മിച്ചിരിക്കുന്നത്.