എടപ്പാൾ:മെഡികോളേജിലെ 2023 ബാച്ചിലെ B.Voc MLT, B.Voc Radiology,B.Voc Dialysis Technology ഉൾപ്പെടെയുള്ള വിവിധ പാരാമെഡിക്കൽ കോഴ്‌സുകൾ പൂർത്തിയാക്കിയ വിദ്യാർത്ഥികളുടെ കോൺവൊക്കേഷൻ സെറിമണി ‘MEDORA 2026’ പ്രൗഢഗംഭീരമായി സംഘടിപ്പിച്ചു.മെഡികോളേജ് ഓഡിറ്റോറിയത്തിൽ നടന്ന ചടങ്ങിൽ തവനൂർ മണ്ഡലം പ്രസിഡന്റ് വി. എസ്. ജോയ് മുഖ്യാതിഥിയായി പങ്കെടുത്തു.വിദ്യാർത്ഥികളെ അഭിനന്ദിച്ച അദ്ദേഹം ആരോഗ്യ മേഖലയിലെ മികച്ച പ്രൊഫഷണലുകളായി വളരാനും സമൂഹത്തിന് മികച്ച സേവനം നൽകാനും ആഹ്വാനം ചെയ്തു.
ചടങ്ങിൽ യൂണിവേഴ്സിറ്റി പ്രതിനിധി ഗിരീഷ് സാർ, സൈക്കോളജി വിഭാഗം മേധാവി ഡോ. അനൂപ്,അൻസാർ സ്കൂൾ മാനേജർ അബ്ദുൽ റസാഖ്,വാർഡ് മെമ്പർ അബ്ദുൽ മജീദ്, J COM കോച്ച് രാജീഷ്,മെഡികോളേജ് പ്രിൻസിപ്പൽ ഡോക്ടര്‍ ഷെറീന മുജീബ് റഹിമാൻ,വൈസ് പ്രിൻസിപ്പൽ ഫസീല അമാനുല്ല,അക്കാദമിക് ഹെഡ് അമാനുല്ല, BDM അഷ്റഫ് എന്നിവർ വിശിഷ്ടാതിഥികളായി പങ്കെടുത്തു.
മെഡികോളേജ് ചെയർമാൻ മുജീബ് റഹിമാൻ ചടങ്ങിൽ അധ്യക്ഷത വഹിച്ചു.വിദ്യാർത്ഥികളുടെ അക്കാദമിക് നേട്ടങ്ങളെ അഭിനന്ദിച്ച അദ്ദേഹം, തൊഴിൽ അധിഷ്ഠിത വിദ്യാഭ്യാസത്തിലൂടെയും പ്രായോഗിക പരിശീലനത്തിലൂടെയും ആരോഗ്യ മേഖലയിൽ മികച്ച കരിയർ കെട്ടിപ്പടുക്കേണ്ടതിന്റെ പ്രാധാന്യം ചൂണ്ടിക്കാട്ടി.ചടങ്ങിന്റെ ഭാഗമായി സമൂഹമാധ്യമ രംഗത്ത് ശ്രദ്ധേയരായ ജഗൻ എടപ്പാൾ, നജീബ് മുബി, കബീർ എടപ്പാൾ എന്നിവരെയും പൊന്നാനി ചാനൽ റിപ്പോർട്ടർ സമീർ പൊന്നാനിയെയും ആദരിച്ചു.വിദ്യാർത്ഥികളും രക്ഷിതാക്കളും അധ്യാപകരും അതിഥികളും പങ്കെടുത്ത ചടങ്ങ്,പുതിയൊരു പ്രൊഫഷണൽ ജീവിതത്തിലേക്ക് പ്രവേശിക്കുന്ന വിദ്യാർത്ഥികൾക്ക് പ്രചോദനമേകുന്ന മനോഹരമായ അനുഭവമായി മാറി.
