ചങ്ങാടം റോഡിൻ്റെ സമഗ്രവികസനം ജനകീയ പകാളിത്തത്തോടെ പൂർത്തിയാക്കും .കെ.പി. നൗഷാദലി എം.എൽഎ

വെളിയങ്കോട്:ദേശീയപാത 66 ൽ വെളിയങ്കോട് ടൗൺ പ്രദേശത്തെയും മാറഞ്ചേരി എരമംഗലം പ്രദേശങ്ങളെയും ബന്ധിപ്പിക്കുന്ന വെളിയങ്കോട് ചങ്ങാടം റോഡിൻ്റെ സമഗ്രവികസനം വിവിധ വകുപ്പുകളെ ഏകോപിപ്പിച്ച് കൊണ്ട് ജനകീയപങ്കാളിത്തത്തോടെ പൂർത്തീകരിക്കുമെന്ന് പൊന്നാനി എം. എൽ. എ നൗഷാദലി പറഞ്ഞു.വെളിയങ്കോട് ചങ്ങാടം റോഡിൻ്റെ ശോചനീയാവസ്ഥ പരിഹരിക്കുന്നതിനും ,രൂക്ഷമായ ഗതാഗതക്കുരുക്ക് ഒഴിവാക്കി ചങ്ങാടം പാലം ഉൾപ്പടെയുള്ളവയുടെ സമഗ്ര വികസനം സാധ്യമാക്കുന്നതിനായി പ്രദേശവാസികളുടെ നേതൃത്വത്തിൽ അൽ ഫലാഹ് സ്‌കൂളിൽ വിളിച്ച് ചേർത്ത വികസന സമിതി യോഗത്തിൽ സംസാരിക്കുകയായിരുന്നു അദ്ദേഹം.വെളിയങ്കോട് ടൗണിൽ നിന്ന് എം എൽ എ റോഡ് വരെയുള്ള ഭാഗം വാഹനങ്ങൾക്ക് യാത്രചെയ്യാൻ കഴിയാത്തരീതിയിൽ ശോചനീയാവസ്ഥയിലാണ് .ഒരു വാഹനത്തിന് കഷ്ടിച്ച് കുന്നു പോകാൻ കഴിയുന്ന ചങ്ങാടം പാലത്തിലൂടെ നിരവധി സ്‌കൂൾ വാഹനങ്ങൾ ഉൾപ്പെടെ കടന്നുപോകുന്നതിനാൽ രൂക്ഷമായ ഗതാഗതക്കുരുക്കാണ് അനുഭവപ്പെടുന്നത് .
വലിയ വാഹനങ്ങൾ കടന്നു പോകരുത് എന്ന് പഞ്ചായത്ത് ബോർഡ് സ്ഥാപിച്ചിട്ടുണ്ടെങ്കിലും എല്ലാ വാഹനങ്ങളും പഴകിയ പാലത്തിലൂടെ നിർബാധം കടന്നുപോകുന്നതിനാൽ റോഡ് അതീവ ശോചനീയാവസ്ഥയിലാണുള്ളത് .ഈ പശ്ചാത്തലത്തിലാണ് പരിസരവാസികളും നാട്ടുകാരും ഒത്ത് ചേർന്ന് കർമ്മ പദ്ധതിക്ക് രൂപംനൽകിയത്.ചങ്ങാടം പാലവും റോഡും സന്ദർശിച്ച എം എൽ എ ദേശീയ ജലപാത അതോറിറ്റി,ഇറിഗേഷൻ ഡിപാർട്ട് മെൻ്റ് ,പൊതുമരാമത്ത് വകുപ്പ് ,ത്ദേശസ്വയം ഭരണസ്ഥാപനങ്ങൾ ,എന്നിവയുടെ ഏകോപനം സാധ്യമാക്കി റോഡിൻ്റെയും പ്രത്യേകിച്ച് പാലത്തിൻ്റെയും പ്രശ്‌നം പരിഹരിക്കാൻ ശ്രമിക്കുമെന്ന് ഉറപ്പ് നൽകി.വികസനസമിതി യോഗത്തിൽ ,ബ്ലോക്ക് പ്രസിഡൻ്റ് റമീന ഇസ്മായിൽ ,ജില്ലാ പഞ്ചായത്ത് മെമ്പർ സുലൈഖ റസാഖ് പഞ്ചായത്ത് മെമ്പർമാരായ കെ. കെ.ബീരാൻകുട്ടി,സുമിത രതീഷ്,അബദുൽസലാം,ഫൗസിയ വടക്കേപ്പുറത്ത് ,റഹ്‌മത്ത് ഹംസു ,എന്നിവരും നാട്ടുകാരുടെ ടെയും പ്രദേശവാസികളുടെയും പ്രതിനിധികളായി ഷംസു കല്ലാട്ടേൽ,വികെ നാസർമാസ്റ്റർ,ടി.കെ അബദുൽ വഹാബ് മാസ്റ്റർ,കാളിയത്ത് മുസ്തഫ,ഷാഫിഐമാക്സ് എന്നിവർ സംസാരിച്ചു