വട്ടംകുളം പഞ്ചായത്തില്‍ ട്രാഫിക് റെഗുലേറ്ററി കമ്മറ്റി വിപുലമായ യോഗം ചേർന്നു

എടപ്പാള്‍:വട്ടംകുളം ഗ്രാമപഞ്ചായത്തിൽ ട്രാഫിക് റെഗുലേറ്ററി കമ്മറ്റി ചേർന്നു.ചങ്ങരംകുളം പോലീസും പഞ്ചായത്തും സംയുക്തമായാണ് അടിയന്തരമായി യോഗം ചേർന്നത്.എടപ്പാൾ പട്ടാമ്പി റോഡ് മുതൽസഫാരി ഗ്രൗണ്ട് വരെയും എടപ്പാൾ തൃശൂർ റോഡ് ദുബായ് മാൾ വരെയും എടപ്പാൾ കുറ്റിപ്പുറം റോഡ് ശോഭിക സിൽക്സ് വരെയും വഴിയോരക്കച്ചവടം ഒഴിവാക്കുകയും ഫുട്പാത്തിൽ ഇറക്കിവെച്ച് കച്ചവടം ചെയ്യുന്നത് ഒഴിവാക്കാൻ നടപടി എടുക്കുകയും ബസ് ഓണേഴ്സുമായി ചർച്ച നടത്തുകയും തെരുവിൽ മാലിന്യം വലിച്ചെറിയുന്നവർക്കെതിരെ കർശന നടപടി എടുക്കുകയും ചെയ്യാൻ യോഗം തീരുമാനിച്ചു. കഴിഞ്ഞ കാലങ്ങളിൽ എടുത്ത തീരുമാനങ്ങൾ നടപ്പിലാക്കാൻ തീരുമാനിക്കുകയും ചെയ്തു. വട്ടംകുളം ഗ്രാമപഞ്ചായത്ത് പ്രസിഡണ്ട് ഷാജിമോൾ പാലത്തിങ്ങൽ അധ്യക്ഷത വഹിച്ച ചടങ്ങിൽ വൈസ് പ്രസിഡണ്ട് എം എ നജീബ് ,ക്ഷേമകാര്യ സ്റ്റാൻഡിങ് കമ്മറ്റി ചെയർമാൻ മജീദ് കഴുങ്കിൽ,പഞ്ചായത്ത് സെക്രട്ടറി ആർ രാജേഷ് ,ചങ്ങരംകുളം പോലീസ് എസ് ഐ ശ്രീലേഷ്, പൊന്നാനി എം വി ഐ ബി പ്രകാശ്,എം എ നവാബ്,സുകുമാരൻ,ബാലൻ പുളിക്കൽ,അസീസ് കരിമ്പനക്കൽ,സുലൈമാൻ തൊണ്ടിയിൽ,ഗഫൂർ മൂതൂർ,മെമ്പർ ചന്ദ്രബോസ്,ശങ്കരനാരായണൻ ശുകപുരം ,ബൈനീഷ്,യുകെ മുഹമ്മദ് തുടങ്ങിയവർ ചർച്ചകളിൽ പങ്കെടുത്തു. വ്യാപാര വ്യവസായി ഏകോപന സമിതി അംഗങ്ങൾ ഡ്രൈവേഴ്സ് യൂണിയൻ അംഗങ്ങൾ തുടങ്ങിയവരും പങ്കെടുത്തു.