കാന്താര സിനിമയിലെ താരങ്ങൾ സഞ്ചരിച്ച ബസ് അപകടത്തിൽപ്പെട്ടു

കൊല്ലൂർ: കാന്താര സിനിമയിലെ ജൂനിയർ ആർട്ടിസ്റ്റുകൾ സഞ്ചരിച്ച ബസ് അപകടത്തിൽപ്പെട്ടു. കര്‍ണാടകത്തിലെ കൊല്ലൂരിന് സമീപം ജഡ്കാലിലാണ് അപകടം നടന്നത്. നിരവധിപേർക്ക് പരിക്കേറ്റു. കാന്താര ചാപ്റ്റർ 1-ലെ ജൂനിയർ ആർട്ടിസ്റ്റുകൾ സഞ്ചരിച്ച മിനി ബസ് ഞായറാഴ്ച രാത്രിയാണ് അപകടത്തിൽപ്പെട്ടത്.ഷൂട്ടിം​ഗ് ലൊക്കേഷനിൽ നിന്നും പോകുകയായിരുന്നു സംഘം. സ്കൂട്ടറുമായി കൂട്ടിയിടിച്ചാണ് അപകടം സംഭവിച്ചത്. ജൂനിയർ ആർട്ടിസ്റ്റുകളും ടെക്നിക്കൽ ജീവനക്കാരും ഉൾപ്പെടെ ഇരുപതോളം പേരാണ് ബസിൽ ഉണ്ടായിരുന്നത്. പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചു.ഉഡുപ്പിക്ക് സമീപത്താണ് കാന്താര-2 വിന്റെ ചിത്രീകരണം നടക്കുന്നത്. റിഷഭ് ഷെട്ടി നായകനായെത്തുന്ന ചിത്രം 2025 ഒക്ടോബറിൽ തിയേറ്ററുകളിലെത്തുമെന്നാണ് അണിയറപ്രവർത്തകർ അറിയിച്ചത്.