പുതു പൊന്നാനിയിൽ യുവാക്കളെ സംഘം ചേർന്ന് മർദിച്ച കേസിൽ 4 പ്രതികൾ അറസ്റ്റിൽ

പൊന്നാനി:പുതു പൊന്നാനിയിൽ യുവാക്കളെ സംഘം ചേർന്ന് മർദിച്ച കേസിൽ 4 പ്രതികളെ അന്വേഷണസംഘം അറസ്റ്റ് ചെയ്തു.പാലപ്പെട്ടി കാപ്പുരിന്റെ അൻസാർ എന്ന മങ്കാത്ത അൻസാർ (28)പൊന്നാനി പള്ളിപ്പടി സ്വദേശി കോയാലിക്കനകത്ത് അബ്ദുൽ മജീദ് (29)പൊന്നാനി മുല്ല റോഡിൽ പുത്തൻ പുരയിൽ അബ്ദുൽ ഖാദർ എന്ന ശിഹാബ് (32)പൊന്നാനി മുക്കാടി പറമ്പിൽ അബ്ദുൽ മനാഫ് (25)എന്നിവരെയാണ് പൊന്നാനി ഇൻസ്‌പെക്ടർ സതീഷ് കുമാറിന്റെ നേതൃത്വത്തിലുള്ള അന്വേഷണസംഘം പിടികൂടിയത്.കഴിഞ്ഞ വെള്ളിയാഴ്ചയാണ് പുതു പൊന്നാനി കിണർ പരിസരത്ത് വച്ച് പുതു പൊന്നാനി സ്വദേശികളായ അഫ്നസ്,ഷഹീര്‍ എന്നിവര്‍ക്ക് നേരെ അക്രമം ഉണ്ടായത്.സംഘം ചേർന്ന് മർദിക്കുകയും കൈ ഒടിക്കുകയും മൂക്കിന് ഇടിച്ചു ഗുരുതരമായി പരിക്കേല്പിക്കുകയും ചെയ്തെന്നാണ് പരാതി. എസ്‌ഐ ബിബിൻ സിവി,പ്രോബേഷൻ എസ്‌ഐ മഹേഷ്‌ കുമാർ,സീനിയർ സിവിൽ പോലീസ് ഓഫീസർമാരായ സുധീഷ്,നാസർ,പ്രശാന്ത് കുമാർ എസ് എന്നിവരടങ്ങിയ അന്വേഷണ സംഘമാണ് വിവിധ സ്ഥലങ്ങളിൽ നിന്നായി പ്രതികളെ പിടികൂടിയത്. ഒളിവിൽ പോയ പള്ളിപ്പടി സ്വദേശികളായ ഷാഫി, ജാസിർ മമ്മാലി എന്നീ പ്രതികൾക്കായി അന്വേഷണം ഊർജ്ജിതമാക്കിയതായി ഉദ്ധ്യോഗസ്ഥര്‍ പറഞ്ഞു.പൊന്നാനി കോടതിയിൽ ഹാജരാക്കിയ പ്രതികളെ പൊന്നാനി സബ് ജയിലിലേക്ക് റിമാൻഡ് ചെയ്തു.