പൊന്നാനിയില്‍ ബൈക്ക് അപകടം’2 യുവാക്കള്‍ക്ക് ദാരുണാന്ത്യം’ഒരാള്‍ക്ക് പരിക്ക്

പൊന്നാനി:പൊന്നാനിയില്‍ ബൈക്ക് അപകടത്തില്‍ 2 യുവാക്കള്‍ മരിച്ചു.പൊന്നാനി സ്വദേശികളായ മാലിക്കുളം ഹൗസില്‍ അലിയുടെ മകന്‍ അസ് ലം(19)തട്ടേക്കാനകത്ത് ഇബ്രാഹിം മകന്‍ അന്‍സിഫ്(19) എന്നിവരാണ് മരിച്ചത്‌.പൊന്നാനി സ്വദേശി അന്‍സില്‍ നാണ് പരിക്കേറ്റത്.തിങ്കളാഴ്ച രാത്രി 9 മണിയോടെ പൊന്നാനി കുറ്റിപ്പുറം ദേശീയ പാതയില്‍ സര്‍വ്വീസ് റോഡില്‍
തെയ്യങ്ങാട് വെച്ചാണ് അപകടം.യുവാക്കള്‍ സഞ്ചരിച്ച ബൈക്ക് മറ്റൊരു ബൈക്കില്‍ തട്ടി നിയന്ത്രണം വിട്ട് മറിയുകയായിരുന്നു.അപകടത്തില്‍ റോഡില്‍ തെറിച്ച് വീണ ഗുരുതമായി പരിക്കേറ്റ യുവാക്കളെ നാട്ടുകാര്‍ ചേര്‍ന്ന് പൊന്നാനി താലൂക്ക് ആശുപത്രിയില്‍ എത്തിച്ചെങ്കിലും അസ് ലമും അന്‍സിഫും മരണപ്പെട്ടിരുന്നു.ഗുരുതരമായി പരിക്കേറ്റ അന്‍സിലിനെ തൃശ്ശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.മോര്‍ച്ചറിയില്‍ സൂക്ഷിച്ച ഇരുവരുടെയും മൃതദേഹം ചൊവ്വാഴ്ച കാലത്ത് നടപടിക്രമങ്ങള്‍ പൂര്‍ത്തിയാക്കി പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ട് നല്‍കും.പൊന്നാനി പോലീസ് സ്ഥലത്ത് എത്തി മേല്‍നടപടികള്‍ സ്വീകരിച്ചു