നിലമ്പൂരിൽ അമ്മയ്ക്കൊപ്പം ഉറങ്ങിക്കിടന്ന കുഞ്ഞ് മരിച്ചനിലയിൽ

നിലമ്പൂർ: അമ്മയ്ക്കൊപ്പം ഉറങ്ങിക്കിടന്ന നവജാത ശിശു മരിച്ചനിലയിൽ. നിലമ്പൂർ ചുങ്കത്തറ കുന്നത്ത് ശിവൻ – അംബുജം ദമ്പതികളുടെ മകനാണ് മരിച്ചത്. കുഞ്ഞിന് 36 ദിവസം മാത്രമായിരുന്നു പ്രായം.ഞായറാഴ്‌ച രാത്രി കുഞ്ഞിന്റെ മൂക്കിൽ നിന്ന് രക്തസ്രാവമുണ്ടായതിനെത്തുടർന്ന് ചുങ്കത്തറയിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. ആരോഗ്യനിലയിൽ മാറ്റമുണ്ടാകാത്തതിനാൽ നിലമ്പൂർ ജില്ലാ ആശുപത്രിയിലും പിന്നീട് മഞ്ചേരി മെഡിക്കൽ കോളേജിലും എത്തിച്ചെങ്കിലും കുഞ്ഞിന്റെ ജീവൻ രക്ഷിക്കാനായില്ല. പോസ്റ്റുമോർട്ടത്തിനുശേഷം മൃതദേഹം ബന്ധുക്കൾക്ക് വിട്ടുനൽകി. കഴിഞ്ഞ ഫെബ്രുവരി 16ന് കോഴിക്കോട് മെഡിക്കൽ കോളേജ് ആശുപത്രിയിലായിരുന്നു അംബുജത്തിന്റെ പ്രസവം നടന്നത്.