35 വർഷമായി പ്രവാസിയായി സേവനം ചെയ്യുന്ന അബ്ദുൽ ഹമീദിന് പ്രവാസദളം പള്ളിക്കര കൂട്ടായ്മ യാത്രയപ്പ് നൽകി

ചങ്ങരംകുളം:35 വർഷമായി പ്രവാസിയായി സേവനം ചെയ്യുന്ന ചങ്ങരംകുളം സ്വദേശി അബ്ദുൽ ഹമീദിന് പ്രവാസദളം പള്ളിക്കര കൂട്ടായ്മ യാത്രയപ്പ് നൽകി.തന്റെ ജീവിതത്തിന്റെ മുക്കാഭാഗവും പ്രവാസ ലോകത്ത് ചെലവഴിച്ച പള്ളിക്കര സ്വദേശി കെ വി അബ്ദുൽഹമീദ് പ്രവാസ സമയത്തും മത- സാമൂഹിക- കലാ പ്രവർത്തനങ്ങളിൽ നിറസാനിധ്യമായിരുന്നു.പള്ളിക്കരയിലെ പ്രവാസികളെ ഒത്തൊരുമിപ്പിച്ചുകൊണ്ട് സംഘടിതമായി പ്രവർത്തിക്കേണ്ടതിന്റെ ആവശ്യകതയെ മനസ്സിലാക്കി കൊടുക്കാനും അവർക്ക് നേതൃത്വം കൊടുക്കാനും അബ്ദുൽഹമീദിന് കഴിഞ്ഞെന്ന് പ്രവാസദളം ഭാരവാഹികള്‍ പറഞ്ഞു.പ്രവാസദളം ജനറൽ സെക്രട്ടറി യാഹുദ്ദീൻ പള്ളിക്കരയുടെ അധ്യക്ഷതയിൽ നടന്ന യാത്രയയപ്പ് യോഗത്തില്‍ പ്രവാസദളം മെമ്പർ ഫൈസൽ സ്വാഗതം പറഞ്ഞു.ഫിനോസ് കെ വി അബ്ദുൽഹമീദിന് ഉപഹാരം നൽകി.മുതിർന്ന അംഗം കബീർ അമയിൽ പൊന്നാട അണിയിച്ചുമറുപടി പ്രസംഗത്തിൽ അബ്ദുൽ ഹമീദ് കെ വി തന്റെ പ്രവാസ സമയത്തുണ്ടായ അനുഭവങ്ങളെക്കുറിച്ചും മുന്നോട്ടു പോകുമ്പോൾ നാം സ്വീകരിക്കേണ്ട നിലപാടുകളെക്കുറിച്ചും സംസാരിച്ചു.സിദ്ദീഖ് കെ കെ,ബഷീർ കെ വി,അർഷദ് ഇ വി എന്നിവരുടെ നേതൃത്വത്തിൽ നടന്ന പ്രോഗ്രാമിന് അബ്ദുൽ അസീസ് കെവൈ നന്ദി പ്രകാശിപ്പിച്ചു.