സി സുബ്രഹ്മണ്യൻ രചിച്ച “കവിത രചിച്ചു പഠിക്കാം” എന്ന പുസ്തകത്തിൻ്റെ പ്രകാശനം പ്രശസ്ത കവി ആലംകോട് ലീലാകൃഷ്ണൻ ഉദ്ഘാടനം ചെയ്തു

ചങ്ങരംകുളം സാംസ്കാരിക സമിതി ഗ്രന്ഥശാലയുടെ ആഭിമുഖ്യത്തിൽ എടപ്പാൾ സി സുബ്രഹ്മണ്യൻ രചിച്ച
“കവിത രചിച്ചു പഠിക്കാം” എന്ന പുസ്തകത്തിൻ്റെ പ്രകാശനം പ്രശസ്ത കവി ആലംകോട് ലീലാകൃഷ്ണൻ ഉദ്ഘാടനം ചെയ്തു.പ്രശസ്ത കവിയും സാഹിത്യ ചിന്തകനുമായ പി.പി. രാമചന്ദ്രൻ പുസ്തക പ്രകാശന കർമ്മം നിർവ്വഹിച്ചു.സ്കൂൾ അദ്ധ്യാപികയും യുവ കവയിത്രിയുമായ നൂറാ നജീബ് പുസ്തകം സ്വീകരിച്ചു.സാഹിത്യകാരൻ സോമൻ ചെമ്പ്രേത്ത് പുസ്തക പരിചയം നടത്തി സംസാരിച്ചു.ജയചന്ദ്രൻ മേലഴിയം, പി.കെ. ജയരാജൻ, പി.ബി. ഷീല, നൂറാ നജീബ്, കെ.വി. ശശീന്ദ്രൻ, എ.എം ഫാറൂഖ്, കുമാരി ദേവതീർത്ഥ തുടങ്ങിയവർ കവിയരങ്ങിൽ പങ്കെടുത്ത് കവിതകൾ അവതരിപ്പിക്കുകയും ആശംസകൾ നേർന്നു കൊണ്ട് സംസാരിക്കുകയും ചെയ്തു.പുസ്തക രചയിതാവ് എടപ്പാൾ സി സുബ്രഹ്മണ്യൻ മറുമൊഴി നല്കി സംസാരിച്ചു.ഗ്രന്ഥശാലാ പ്രസിഡൻ്റ് പി.കെ. രാജൻ അദ്ധ്യക്ഷത വഹിച്ച ചടങ്ങിൽ സെക്രട്ടറി പന്താവൂർ കൃഷ്ണൻ നമ്പൂതിരി സ്വാഗതവും പി.പി. വേണുഗോപാൽ നന്ദിപ്രകാശനവും നടത്തി.