ധ്യാൻ നന്മയ് നെ കക്കിടിപ്പുറം കെ.വി.യു.പി സ്കൂൾ ഉപഹാരം നൽകി അനുമോദിച്ചു

ചങ്ങരംകുളം:ഹരിത കേരളം ദേശീയ സമ്മേളനത്തിൽ പ്രത്യേക ക്ഷണിതാവായി പങ്കെടുത്ത ധ്യാൻ നന്മയ് നെ കക്കിടിപ്പുറം കെ.വി.യു.പി സ്കൂൾ ഉപഹാരം നൽകി അനുമോദിച്ചു.വിദ്യാലയത്തിൽ വച്ച് നടന്ന പഠനോൽസവത്തിൻ്റെ ഭാഗമായാണ് അനുമോദന ചടങ്ങ് സംഘടിപ്പിച്ചത്.ആലങ്കോട് ഗ്രാമപഞ്ചായത്ത് അംഗം കെ.പി.സത്യൻ പഠനോൽസവം ഉദ്ഘാടനം ചെയ്തു.പി.വിശ്വംഭരൻ ഉപഹാര സമർപ്പണം നടത്തി. ദേശീയ സമ്മേളനത്തിൽ പങ്കെടുത്തതിൻ്റെ അനുഭവങ്ങൾ ധ്യാൻ നന്മയ് പങ്കു വച്ചു.സ്ട്രീം ഹബ് പ്രോജക്ടുകളുടെ അവതരണവും നടന്നു. അറബിക്, സംസ്കൃതം വിഷയങ്ങളിലെ മികച്ച വിദ്യാർത്ഥികൾക്കുള്ള സമ്മാനദാനം നടത്തി.പ്രധാനാധ്യാപിക സ്വാഗതവും സ്റ്റാഫ് സെക്രട്ടറി നന്ദിയും പറഞ്ഞു.